之前試業, 現在正式重新開張!

搬blog後疏於打blog，深感愧疚！



以為Blog已搬，所有問題解決。
但原來之前D Tag無晒。

呢兩日努力將Blog修復，
逐個Post加返Tags（方便大家搵出相關既Post嘛），
Update返Blog post入面既Link，
整理個版面令佢更User-friendly（就將版面變成接近Yahoo Blog，歸屬感較好吧）。


一邊整一邊發覺，原來Google Blogger既functions都不錯。
只是新環境，真需要點時間熟習。


之前幾個月算是試業， 現在CambOn正式重新開張！
希望日後大家喺呢道繼續睇我同波妮既開心Share啦！





by 柑尾 @ CambOn

柑尾up瘋文：反思！

話說G-makeup之前攪姊妹化妝優惠，有不少客人都以優惠價Join左package。
尋日不經意咁見到其中一位客人既blog post, 內容係有D擔心用我地既姊妹化妝。



開頭睇到佢個POST都有少少唔開心, 客人因為自己而咁擔心。

但始終我地喺網上未有用戶推介, 真係可以話係未必search到任何評語。
話晒一世人一次, 雖然姊妹化妝可能只係婚禮上一個小小既Item,
但當日有勞一班姊妹既鼎力協助, 當然都希望請個好既化妝師, 化得班姊妹靚, 佢地幫手都落力D。
所以我明白佢擔心係十分正常。



喺呢一刻, 我無乜其他野可以回應。
我知我唯一可以做既, 就係當日以表現去証明一切。




最近報Course進修, 不斷練習, 就係希望黎緊既Job可以更得心應手。
一個化妝進修Course真係唔平, 我諗我攪姊妹promotion接埋既job都cover唔返。

入好多名牌化妝品, 係希望客人用得安心。
朋友經常問我, 你野就用到咁貴, 收就收得人咁平, 邊有人做蝕本生意架?!

但真心希望, 每一個用過G-makeup化妝既客人都滿意。
而且你地係我出黎自己接生意既第一批客人。
老土D講句, 你地可以話係見証住我既成長, 所以我會對你地特別好。





老師Jenga講過, 就算化姊妹都要當化新娘一樣咁靚!!



九月就開始踏入結婚既旺季, 我會努力做好每一個job!!
給力~~~~~~~~~~~~~~






後記:

我真白痴, 原來寫blog果位只係同我客人同一日出嫁既新娘子咋!!
即係唔係講擔心我啦... wahahhahah....
鬆一口氣!!




by 柑尾 @ CambOn

先甜後苦的生活

柑美!我好掛住你呀!
大家好!我都好掛住你地呀!!

自從婚後轉左工，
生活一百八十度轉變，
其實婚前的朝九晚五，
同事和善、工作量不多的工作，
我明白是一生難求的，
但"搵食"嘛，
"搵食"就要向錢看，
搵到一份收入可觀的工作，
所以自然地轉工去，
誰知一轉工，
就走進地獄，
天未亮就上班，
一時間真的很不適應不了，
希望日後會好一點吧。

結婚兩個半月，
欠大家的分享會慢慢送上，
我會在我緊僅有的休息時間打多點Blog，
等大家可以多個參考嘛!
大家...等我呀!!





by 波妮 @ CambOn

很久不見

己經很耐無Update blog 了，
皆因我和柑美各有各忙，
她忙她的MUA 的工作，
我就忙我的私事，
整屋、搞婚禮同埋一件令人傷心的事。
突如其來的離開的確令人很痛心，
願您一路好走，
永遠愛您的。

傷感的事在星期初己經畫上句號，
又是時候pick up 婚禮的工作。
姊妹裙己訂、
鞋未買、
帖未造、
rundown 未傾，
但所有事項己經有初步的準備，
相信到時不會太忙吧。

訂利是封方面，
又想訂，
但又想知道帖的顏色再去配襯，
所以還是Hold 住了。
還有要叫媽媽到銀行換定一些紙幣，
到時利是封一到就可以入錢錢了。

至於屋方面，
己經見得人，
廳的傢俬也來得七七八八，
房會在今星期六完成，
到時歡迎朋友前來玩樂一番。
裝修傢俬一手一腳造，
時間和精力也放了不少，
除了想慳一點錢外，
覺得家是要大家一手一腳建立出來才會刻骨銘心，
最感謝一定要我的肥老豆!!!
有七成的成果是出自他的手一雙手!!!!

好，
記到這裡，
下次同大家分享一下我訂的姊妹裙，
真是美得很!!





by 波妮 @ CambOn

2013情人節最佳節目

今年情人節難得情人放假，
但是我們的節目不是二人行，
而是兩家人會面。

雖然拍了十多年拖，
但兩家父母見面真的是第一次。
心情超級緊張和不安，
老實說:三九唔識七食飯有乜好傾呢?
不過婚前三個月也要一聚吧。

一行十二人有老有幼過節，
幸好氣氛和諧，
雖然不至於滔滔不絕，
但也不至寂靜無聲，
很快便完成飯局，
希望將來會有更多兩家人相處的機會，
和諧和諧!!!










By 波妮 @ CambOn

送龍迎蛇!!

今年過年氣氛一般。
昨天行過銅記年宵，
沒有特別的，
什麼也沒有買便走了。

商場又沒有太大特色，
或許今年是蛇年，
構思上有難度，
所以設計上也只是普普通通。

不過如要感受節日氣氛，
大家可以試試去Shopping!!!
門口一個又一個大大的"SALE"、"50% OFF"﹐，
都是過時過節最好的証明!!!!
等我一陣都去血拼一下，
好為新年添新衣!!! (又搵籍口買野!!!)


雖然節日氣氛一般，
但今年的農曆年我是很期待的，
因為是做"女"的最後一年。
這一年是我最後逗利是的機會，
所以我今年會博到盡，
周圍拜年架喇!!!!!!!!


五天工作的朋友們，
還有個多小時便收爐了!!
在這裡和大家拜個早年，
祝大家新年快樂、心想事成、萬事如意、青春常駐!!!!

自我們介紹

Hey!~
其實開左呢個blog 都有半年多的時間，
不過近來發現，
原來好多blog 友唔知呢個blog 係由兩個女仔合力寫ge，
有見及此，
等我地開篇blog 自我們介紹一下啦。

我叫波妮，
係2013年ga 準新娘，
呢一年四出找尋平、靚、正的結婚東東。

她叫柑美，
是2013年新入職的MUA﹐，
最近同是有個外號叫銀牙柑!!!

我地除左個名外，
好多野都好相似，
包括大家都中意食、訓同玩。

點解我地唔一人一blog，
要兩人一blog 呢?
因為我地都係一D 無恆心ge 人，
如果一人一blog，
我諗我地都唔會打到今時今日，
加上我地唔係成日見，
所以我地可以透過blog 去溝通溝通，
食過乜野好野，
即刻打係blog 比大家睇。
發現有乜野正野，
又分享下，
其實2in1 blog 都幾開心。

希望這個簡單ge 介紹，
會令到大家對我地有初步的認識啦!!
多多指教!!!



   

執相簿ing + 剷牆紙ing

哎吔!!!
當日出去搵人映Pre-wedding，
仲鴻心壯志話自己執相整相簿，
宜家叫我做，
我真係有小小想縮沙!!!

成日覺得D 人係咁二放幾張相入相簿，
係咁二排下版就收我一千幾百，
真係搵笨!!
但經過自己連日來的排版工作，
深深明白到做呢行都唔會有得"呃飯食"!!

另一邊廂，
在工餘或者放假時間，
就會到新居自行裝修，
當然我呢D "二打六"邊有咁勁，
我爸爸都識D 油油野，
所以都有佢在場邊做邊教。
油油唔知難唔難，
但係最煩一定係剷番之前D牆紙!!!
剷足十幾個鐘頭，
沉日終於剷晒!!!
但仲要用沙紙"省"牆........................
"省"完又要補番D 位，
先油得油!!

經過呢幾日"泥水妹"ga 生活，
我向建築及裝修工人致敬!!!
你地ga 錢真係得黎不易!!!!!!!

不過諗諗下都幾好笑，
我諗唔剷牆紙未必會列入Wedding Preparing 度，
但呢個item 我真係列左入時間表!!!



by 波妮 @ CambOn

向著2013目標跑啊.............

呢排少打blog, 皆因我同波妮都十分十分忙... 各有各忙~

波妮為籌備5月既婚禮忙著忙著....
我就為我既化妝髮型課程後努力練習練習....




踏入2013年... 我都為自己訂下一個新目標, 就係希望喺化妝set頭方面有所進步!
日日對住Mary頭扎呀扎呀.... 比HairSpray噴到手都爛....
我相信努力係會令事情成功既!!!
只要多練習, 一定會進步神速唧~ 呵~~



歡迎大家搵我化妝set頭架!
無論各大小婚禮, 姊妹, 媽咪, 宴會, 畢業禮等等等等...
就算只係想扮得靚靚出席朋友聚會, , 都可以搵我呀.... 無任歡迎!! 只要夾到時間就可以啊~

由即日至到3月, 都可以免費幫你化妝set頭啊~

=====================================

剛剛開左facebook page, 大家都like一like支持下啦! 感激感激!

http://www.facebook.com/GMakeupByCammy

任何查詢, 可以Whats App: 6203 3100, Cammy
或到facebook留message~

======================================

by 柑尾 @ CambOn

2013年開工大吉!!!!

年年難過年年過，
今年香港發生了很多不幸的事，
又有傳言世界沒有，
有倖我們能安穩地走到2013年，
希望今年事事順境，
買樓的買樓，
月薪追過通漲，
工作量可免則免，
大家身體健康。
Happy 2013!!!!!!!!!!!!!!!!!!!!!!!!



by 波妮 @ CambOn

重遊海洋公園....

放大假留港消費, 繼續吃喝玩樂!



呢日就去左海洋公園勁玩機動遊戲...



仲記得以前細個一家人去海洋公園,
總係晨咁早起身, 由開門玩到閂門!

果時雖然海洋公園仲未擴建, 但都覺得地方好大好大好大!
身高未夠無得玩機動遊戲, 但都覺得可以玩可以睇既野總係一個full day都唔夠~




到中學後, 幾乎都係同同學,朋友一大班人去,
機動遊戲玩完一次又排隊再黎過...

今次再黎海洋公園,
只有兩個人...
訓到日上三竿先出發....

好耐無玩機動遊戲, 開頭都有D驚~
但越玩越大膽.... (hahahaaa)



玩左半日, 海洋公園比我既感覺竟然係................
返左大陸旅行!!
它好像不再屬於香港人....

by 柑尾 @ CambOn

不太屬於女生的運動 - 澳門格蘭披治

今日這一篇, 是一篇非女孩的blog文.......
或者可以說, 是從女生的度角, 看男生的喜好!


打從小時就覺得, <<賽車>>就是一項男生的運動,
我不喜歡, 亦沒有絲毫興趣~


自從認識了一個熱愛賽車的男友後, 我的生活就起變化了......
我會陪他看電視直播F1~
我會跟他去小型賽車場比賽, 心裡暗暗為他打氣~

上星期我們就結伴去了澳門舉行一年一度, 澳門格蘭披治大賽!






從電視新聞或直播就看得多,
這還是我第一次去澳門現場睇賽車...........


現場的確震撼~
尤其F3的賽事, 每一輛車經過, 你都感受到它那種速度~


Formular 3.......

電單車.......

全場至少八成是男的!

要吸引一眾男士入場, 除了各式各種的賽車,
賽車女郎又怎能少呢?

不得不佩服, 賽車女郎們抵冷的程度~
還有穿著那幼踭高跟鞋, 在石屎路上走足一天..................

我也龍友一下先.............. (hahahaaa~)











雖然對賽車這項運動接觸多了, 但這對我說仍然算不上喜歡~
不明白是.... 男生總對賽車這項高消費 + 高危的運動趨之若鶩!

可能就是因為男生愛格鬥, 愛速度吧~




這是格鬥完畢的房車........................

以現今科技與物資, 我相信賽車終有日變成安全的一項運動!
令一眾車手能在安全環境下較技.........



今年澳門賽車發生了不愉快的事件,
希望兩位死者早日安息.......




by 柑尾 @ CambOn

捉緊一點，放心一點。

昨天早上上班，
車廂己經迫到不行，
突然有一個剛上車的男人對著一個坐著的男人說: 可唔可以比個位我地坐?
那坐著的男人就讓坐了。

眼見這個西裝男要求別人讓坐，
感到很突然。
他隨即叫那個手抱著小女孩的工人坐下，
而自己就去弄那架BB 車。
離開不足二十秒，
那女孩哭起來，
工人說: 爸爸係果度呀，睇下.......
女孩望了一下，
但哭聲不斷.......

爸爸急急的弄好BB 車，
再申出手指給女孩捉著，
很神奇，
手指一捉，
女孩不哭了。

這一下，
令我回想到從前我也像這個女孩，

Facebook 小品分享

今天在facebook 看到下面的一章小品，
雖然我不知道作者姓什名誰，
但他的確寫出很多女性的心事，
但到最後，
男性又是否會明白到固中道理?



(轉自facebook)


願天下的老公都能看到這個簡單的故事領悟到深刻的道理。

那晚，他正和朋友在包廂和朋友唱歌，聲音很大。

然後朋友的手機響了，朋友表情怪異的接著電話，說：好，他在，我給他。

然後把電話遞給了他。是妻子。

她說打他電話不接，只好打到朋友手機上。

你有什麼事嗎？他強壓著怒火問

沒事，就是看你沒接電話以為你有什麼事了，想問問你幾點回來。

要是沒事的話你先睡吧。他掛了電話

朋友一陣玩笑，老婆可真惦記你啊，有什麼秘訣讓老婆這樣緊張你，給我們講講啊。

大家善意的玩笑，卻讓他感到恥辱，這樣的老婆，真是丟自己的面子。

那個晚上，他藉著酒勁，對她大吼著，我是個男人，有自己的生活和隱私，你不要隨便乾涉，你有什麼權利？說完他衝進客廳，使勁關上門。

是的，他厭倦了這樣的糾纏。這樣的糾纏，如同一根橡皮筋，時刻拉著自己，他稍遠點就感受到那緊迫的束縛，這樣的感覺，讓他厭倦和疲勞，慢慢的他開始有了逆反心理，出去應酬更頻繁了。

iPhone 5 背後的故事 - 321 唔益自己友

話說早前新聞也有報導有關"醒目通"無iPhone 5但要客人落訂及無了期等待事件，
但經過一論爭論後，
落訂告一段落，
因為無貨、唔知幾時有貨、但要人比錢呢個說法一D 都唔公平!!!
但原來，
一山都還有一山高，
132招仲高!!!

話說全世界也沒有iPhone 5現貨，
客人如果訂購，
同樣地要落$500訂金。(唔係之前新聞一出就取消左咩?點解e家又要收人訂ga?)
同樣地係無了期等，
沒有一個人答到幾時有貨。
好!!
要落訂我當然不會考慮，
竟然無貨，
我也沒辦法。

某日在九龍和朋友行街，
見到321擺場，
還主動問我們有無興趣出iPhone 5，
有現貨!!!
我即時想出!!
但當那sales 再問: 你乜野台架?
我話: 321 ，但係我之前無開機上台，所以我可以照出電話，無問題架。
問題來了，

停不了的豬腳薑

近幾年身邊的朋友也喜事重重，
不是結婚，
便是當媽媽，
真心祝福朋友們永遠快樂喔!!!!

不禁嘆一句 - 時間過得真快!!!
當日不愛穿校服的小女孩，
現在卻捉著女兒穿校服。
當日十指不沾洋春水的美少女，
今天成為了師奶達人，
洗衫煮飯洗碗一手包辦，
你看.....二十多年的轉變真的可以很利厲!!!!
看到身邊一位又一位的朋友結婚，
之後三年抱兩，
的確很高興!!
有見及此，
今年吃豬腳薑的數目，
也比以往多!!!!

每次吃豬腳薑，
也見證每個新生命的誕生，
每一口豬腳薑，
也充滿了小生命帶給家人的喜悅。
雖然我不愛豬腳薑，
但也開始學會淺嘗，
因為還有很多的豬腳薑等著我呀!!!!!

by 波妮 @ CambOn

大鄉里出省 Part 2 之 九龍餐室、殺入電腦廣場暨荔枝角香工

好!!!
放完重陽假，
快手寫大鄉里出省 Part 2先。

行完深水埗汝洲街，
己經是兩點多了，
由十二點行到兩點，
我們還要是快行，
可想而知DIY 聖地非浪得虛名!!

行到肚仔扁，
是時候搵食!!!
今日我們的目標是九龍餐室(九龍餐室 - 深水埗的港式茶餐廳/冰室 - 香港餐廳 - Hong Kong Restaurants Guide HK Restaurant)，
一場來到，
當然想吃地道美食，
由於太餓，
見到這間充滿人氣加上Openrice 全笑面，
所以一試。
Sorry!~今次無映相，
因為太餓了，
但映了作用也不大，
因為賣相和其他茶餐廳一樣，
味道也算是可以，
不過沒有驚喜。
我們叫的是星洲炒米和茄汁焗牛俐飯，
主要是牛俐太難咬開，
其他也可以，
焗飯的飯柑美最愛。
順帶一提，
這裡我估最出名是包類，
因為我們坐著半小時，
己經有五、六盆新鮮包包出爐，
所以路過可以一試。

醫肚完畢，
出發去另一個景點 - 深水埗電腦廣場。

港殤 - 南丫島撞船事件

中秋國慶一連四日假，
本應普天同慶，
誰知在國慶夜發生了南丫島撞船事件，
在事件中三十多人死亡，
傷者也不少，
坐在電視前面的我，
也感到震驚和無助。

對，
從來在死神面前，
人們也只有聽命。
人是幸福，
可以選擇很多，
除了生和死。

誰知那一撞，
會撞碎那麼多的家庭，
本應在船上傳出的，
應該是此起彼落的歡呼聲，
但最後竟是叫求救的呼叫聲，
令漆黑的海面，
變得更加淒美。

不夠兩分鐘船己沉成九十度，
救生衣穿不上，
水泡不夠，
但幸好香港還有足夠的有心人，
有的將自己的救生衣送給有需要的人，
有的雖顧不及妻兒，
但也努力在大海上救人，
將一個個不熟水性的拉到水泡或救生衣上。

無命英雄的還有各部門的幫助，
平時總覺得香港政府部門是起不了作用的，
但在危急關頭，
他們的表現永遠令人拜服，
我也會為"我是香港人"為榮，
如果"我是中國人"，
後果可想而知。

看到電視一幕幕片段，
幻想自己是當中的一人，
不熟水性的我，
會否有機會生還呢?
想一想也覺得可怕，
何況是經歷者。

走的走了，
生還者的痛久久不散，
心比身痛上千萬倍，
願這次意外的所有生還者能早日康復，
重新生活，
死者安息。


星期四開始一連三日會是全港衰悼日，
希望衰悼過後，
不要再有國殤了。




By 波妮 @ CambOn

隨緣

抽了數天iPhone 5，
真的弄得我也瘋了，
日日九點request 再request!!!
算!!!
隨緣。

說到"隨緣"二字，
在朋友的口中，
我真係聽不少，
淡淡的一句" 隨緣吧"看似很瀟洒，
但代表什麼?

想買但不去找尋 -  隨緣吧;
愛但不主動一點去追 -  隨緣吧;
想得到又不去付出 -  隨緣吧，
那"隨緣"算是什麼?
是大家也信命，
所以 " 隨緣"吧，
"緣"到來，
什麼也可以?
喂!大佬!!
隨緣也要付出吧。
難道想中六合彩不去買，
"緣"到來就會中嗎?
不是吧?!
或許聽得太多朋友靜坐著說" 隨緣"，
令我覺得"隨緣"很不積極、很負面。

我不是一個進取的人，
但我想得到的，
我會去付出，
我信命，
但也信自己，
不會強求，
但會去嘗試爭取，
做了自己該做的部份，
餘下的才是" 隨緣"。
不是動也不動就"隨緣"，
你不找"緣"，
它甚隨你而來。

當然，
有些事件你努力過，
也不在你控制之內，
那"隨緣" 兩字簡直是精神藥物，
令你的心情平靜一點，
壓力減少一點，
所以我欣賞付出過而"隨緣" 的，
五分命五分人為，
做了該做的，
上天也不會令你難受的。

今日金句:
努力過後，
安然隨緣。



By 波妮 @ CambOn

全城再 click iPhone 5

昨天有多少人朋友可以成功收到apple 的電郵呢?
我當然是收不到的那群，
所以今天再接再厲，
希望今日有機會吧!!
我己經check 了家人的身份証，
方便我做大事!!!

不過今天比昨天順利得多，
是否很多人也不知今天可以再抽嗎/
哈哈!(其實都係同事話我知，我邊有咁醒)
未抽的朋友，
快手click 喇!!!

今次除了身份証，
還可以用到passport、回鄉証!!!
見到大家挍盡腦汁去爭一席位，
我想最開心應該是apple 吧。
我也要告急呀!!!!

雖然我抽不到，
但透過facebook 也知ifc apple 市場動向，
截至出blog 前數分鐘，
在ifc 門口收機的價錢可以去到$81xx，
聞說比先達還高價!!!
大過份!!
一部可以賺千幾二千，
可惜無我份!!


初以為它抄不起，
心想有$500 落袋都好ok，
誰知也可以抄上八千多!!!
唔得!!!
大家要再努力一點呀!!!!!



By 波妮 @ CambOn