澳門兩天豪住豪食團 - Part 4

真是想不到，
一個澳門兩天遊，
都分了4 Part 來寫，
怪就怪我為食，
所以怕一次過分享太多大家會睇到滯，
上回講到在四季酒店的紫逸軒吃過超好味的早餐後 (澳門兩天豪住豪食團 - Part 3)，
就出發周圍走走了，
當時都己經是下午十二時有多了。

澳門地方太少，
所以就算去過澳們數百次，
這些景點確實是必經的，
這裡便是去大三巴必經之路，
最記得上大三巴有一條手信街，
試食都試飽，
如果大家有興趣買手信，
除了帶多兩個人去拎手信外，
最好就是帶多個胃，
因為真的可以試到很飽。

走走食食，
己經三點多，
是時候又tea 一 tea!! (大佬..你唔係話你一邊走一邊食架咩?仲有胃口食tea!!) 
不過有時為食真是顧不到那麼多，
以下這間是媽媽誠意推介，
瑪加列葡撻。

其實本人覺得搵這間小店也有點難度，
幸好媽媽識路，
所以今次沒難度了。
地址 : 新馬路馬統領街金利來大廈17B地舖

味道是可以的，
但我本身不是愛葡撻之人，
所以我應該給不到評論。
我只可以說，
夠熱，
酥皮也鬆化。
但媽媽就一口氣吃了兩個。 (在香港她是很細食的!!)

不過這食店的環境一般，
又細又迫，
所以吃完要即閃!!!

好!!!
又再走走食食。
其實今次來澳門有個目標，
就是要吃翅!!!
聽聞是很出色的。

媽媽又帶路了，
因為她早一星期前和朋友來過，
所以今次她成為了為食導遊。食完葡撻不夠一小時，又到添發碗仔翅美食食翅。
地址: 新馬路福隆新街18號地下

我們一人一煲瓦煲花膠魚翅，價錢大約是 $85 -$ 90，
但真的很好味，
不是飽的話，
我可以食多煲!!!!
材料十足，
當然這個價錢不要期望吃到高級的貨色，
但這煲也不失禮，
味道超好味，
我覺得好味過平時飲宴吃的翅!!!
I will be back!!!!

好了，
真的吃不下了，
是時候回港!! (無錯，食飽就走..haha!~)

途經這間碧麗宮酒樓，
爸爸給我小時候有來過這裡飲茶的，
雖然不記得，
但也映張相留念吧。

途經葡京娛樂場，
有入去參與，
但沒有放低銀両。
因為我們的銀両己經在Day 1 給了威利斯人!!!!

再來永利，
但我們來這裡得一個目的，
就要搭酒店的巴士出"乙水"仔碼頭走人。

最後給大家一些見意，
如果大家想慳車錢，
其實澳門真的是可以"唔洗錢搭車"，
因為每間酒店都有循環巴士到各個地方，
不過真的要超有時間和耐性才行。





<澳門兩天豪住豪食團>全集:

澳門兩天豪住豪食團 - Part 1
澳門兩天豪住豪食團 - Part 2
澳門兩天豪住豪食團 - Part 3
澳門兩天豪住豪食團 - Part 4

By 波妮 @ CambOn

By 波妮 @ CambOn

澳門兩天豪住豪食團 - Part 3

嘩嘩嘩!!!!
不是柑美提我，
我真的忘記了未打澳門兩天豪住豪食團 - Part 3，
真是不好意思了........
十一月的事到現在還未打好，
好彩有相片可以回憶一下，
快快打先。

在酒店瞓到十點多，
落酒店樓下的中菜廳飲茶。
男朋友一早就要回港返工，
所以今日的環節只有我和老爸老媽。

這間中菜廳叫"紫逸軒"，
看門口就己經口水流...............

餐牌如下，
價錢一定比酒樓貴，
但六星酒店來說，
值得。

柑美，帶口水慳喇!!!
以下的全都是美食，
有機會再來一定會再食!!!

上圖: 好味到震叉燒酥
叉燒唔會乾，
仲有小小蜜汁，
加上鬆化酥皮面，
好味到震。

下圖: 特級美味鮮蝦餃
隻蝦爽口到不得了，
唔係飽我一定會再encore 呢籠蝦餃!!!

上圖: 鮮蝦腸粉
愛蝦的我除了蝦餃，
還有蝦腸，
同樣地，
爽口非常，
皮的厚度很好。

下圖: 叉燒包
這籠叉燒包是媽媽特別叫的，
本身我反對，
一來己吃了叉燒酥，
二來覺得叉燒包太普通，
不過見她流口水，
就點了一籠。
味道當然不錯，
欣賞的是叉燒的汁還鎖在包內。

上圖: 牛肉球味道也應該不錯，
但印象不太深，
因為吃了太耐...... (都叫你勤力D 打blog 架啦!!)

下圖: 懷舊糯米包
一見到這個就點了，
這個不是間間酒樓也有。
味道相當好，
糯米很香呀!!!

.

三個人吃過點心，
正想埋單之制，
服務員奉上甜點。

嘩!!
我們心想"唔係頭先個叉燒酥呀，雖然好食，但食唔落喇!!!"
誰知一咬開，
很驚喜，
酥皮紅豆溶!!!!!
不得了!!!
好味到呢.....................
飽都頂住都要食，
真是超級好味，
可能一來未見過，
二來味道很夾。
後面白色面紫色底一磚磚的是椰汁榚，
樣子普通，
但很看椰子味，
這個飽了吃也會吃得下，
淡淡甜味又帶香香的椰子味，
本人兩種甜品也愛。

好了，
打完這個早餐，
佷滿足，
要休息下，
一會再和大家分享Part 4 吧。


回顧澳門兩天豪住豪食團:

澳門兩天豪住豪食團 - Part 1
澳門兩天豪住豪食團 - Part 2
澳門兩天豪住豪食團 - Part 3
澳門兩天豪住豪食團 - Part 4

By 波妮 @ CambOn

澳門兩天豪住豪食團 - Part 2

續 澳門兩天豪住豪食團 - Part 1，
上回講到回四季酒店，
之後一家四口便去享受一下澳門內數一數二昂貴的自助餐 - 鳴詩 Belcancao。

環境當然一流，
服務也非常好，
不過最緊要都是食得好!!!
去片。

食品種類都算合理，
當然不及自助山那些多款式，
但這裡做到貴精不貴多，
很多食物也很不錯。

普通食品有咖喱角、春卷、燒味等等等等，
相片只是一少部份。

甜品區有葡撻、朱古力噴泉、勁多小cake仔，
還有"馬卡燶"等等。

熱食也有很多選擇，
有即叫即切牛扒、
即叫即煮特色麪，
還有花旗蔘燉雞湯 (呢個正到無人有，我飲左四碗!!!)，

還有很多中、西式熱食........

冷盤有很多海鮮，
今期在我家最紅的，
便是長腳蟹及青口。
還有三文魚、螺肉、Salad、芝士、凍蝦等等。
左下角就是傳說中最好味的"花旗蔘燉雞湯"!!!

還有一張牛扒紙，
有三set 牛扒set，
有配大蝦的、
有配鵝肝的，
還有是配魚子醬的，(這個不肯定，忘記了.....)
我們四人每人order 了一個，
大家同樣讚好!!!!!!!

這裡的自助餐由六點半開始，
至到十點多，
不會有上下兩場時間之分，
所以食得很輕鬆，
而且我們坐的是特大梳化位，
舒服到不得了，
雖然在澳門要四百多食一餐自助餐很貴，
但相比香港的價錢，
一定吃不到，
所以大家有機會，
可以去鳴詩享受一下。

順帶一提，
這裡的服務真的很不錯，
輕輕示意便知客人的心意，
在這裡住了一晚，
簡直是帝皇式享受。

講到豪食，
又豈此得一餐，
Part 3 接著來的，
一定睇到大家肚仔餓!!! (我己經好餓......)



by 波妮 @ CambOn





回顧澳門兩天豪住豪食團:

澳門兩天豪住豪食團 - Part 1
澳門兩天豪住豪食團 - Part 2
澳門兩天豪住豪食團 - Part 3
澳門兩天豪住豪食團 - Part 4

=====================================

經過既比個like支持下啦! 感激感激! http://www.facebook.com/GMakeupByCammy


Like左既朋友仔, 由即日至到3月, 柑尾都可以免費幫你為各大小宴會/公司或朋友聚會/畢業禮等等化妝set頭架~



任何查詢, 可以Whats App: 6203 3100, Cammy
或到facebook留message~

======================================

澳門兩天豪住豪食團 - Part 1

上個月一家人齊齊過大海，
今次主要目的是食好、住好!!!
好!!
事不而遲............
出發了!!!!

買了明星旅遊個package，
$238 來回船票，
都算合理吧。(不過好似話即時買仲平，不過同家人去，買定好D!)
酒店就自己另外book 的。

兩點半船，
三點半到。
先在氹仔碼頭搭百宮賭場的旅遊巴到四季酒店。

酒店大堂的位置。(photo copy from hotel's webpage)
住了一天也沒有映到大堂的樣子，
所以要參考酒店的website了。
四季酒店，
服務和環境也真的值六星!!!!

房間的樣子。
非常舒服呢!!!!
最欣賞是浴室有電視，
一嘗一面洗白白一面睇電視的樂趣。

一入房間不久便有welcome fruit，
兩間房所有有兩碟水果。

老爸一天便吃光這兩大碟生果。

放低行李，
休息一會，
出發去官也街，

今次去官也街，
主要是去誠昌飯店食蟹粥!!!
記得之前和朋友來，
吃過後懷念非常!!!!
嘩!!!
見到張相都流口水!!!!!!!!!!
不過老實說......
大不如前。

價錢 $180 一大碗，
我們四人只叫了這個蟹粥，
因為不能吃太飽，
要留肚作戰!!!
晚上才是我們豪華團豪食的所在。

吃飽周圍行下，
在官也街街口開了一間三、四層高的精店品，
賣的東西也有點特色，
但香港乜都有，
所以看看而己。

當然黎到手信街之一的官也街，
一路也有不少手信舖，
咀香園、鉅記......還有出名的甜品舖等等，
老爸和男友密密試，
男友最愛試花生糖，
老爸最愛試豬肉干，
真的試足九條街!!!!!!!!!!!!

走了一會，
天也開始黑，
剛好映到一張某酒店夜景。

時間剛剛好，
搭的士回酒店，
好好為我們萬眾期待的自助餐做準備，
下篇再說。

by 波妮 @ CambOn




回顧澳門兩天豪住豪食團:

澳門兩天豪住豪食團 - Part 1
澳門兩天豪住豪食團 - Part 2
澳門兩天豪住豪食團 - Part 3
澳門兩天豪住豪食團 - Part 4

重遊海洋公園....

放大假留港消費, 繼續吃喝玩樂!



呢日就去左海洋公園勁玩機動遊戲...



仲記得以前細個一家人去海洋公園,
總係晨咁早起身, 由開門玩到閂門!

果時雖然海洋公園仲未擴建, 但都覺得地方好大好大好大!
身高未夠無得玩機動遊戲, 但都覺得可以玩可以睇既野總係一個full day都唔夠~




到中學後, 幾乎都係同同學,朋友一大班人去,
機動遊戲玩完一次又排隊再黎過...

今次再黎海洋公園,
只有兩個人...
訓到日上三竿先出發....

好耐無玩機動遊戲, 開頭都有D驚~
但越玩越大膽.... (hahahaaa)



玩左半日, 海洋公園比我既感覺竟然係................
返左大陸旅行!!
它好像不再屬於香港人....

by 柑尾 @ CambOn

食在澳門 - 氹仔波爾圖葡國餐廳

前幾日提到去澳門睇格蘭披治,
一個無任何planning既短trip,
由於我地住喺氹仔既酒店, 於是近近地走左去<官也街>搵食~

是但搵間葡國菜啦, 又唔錯喎~

檯與檯會有點近, 不過環境都算唔錯~

 

我地4個人都十分肚餓, 點滿一檯食物.......
由於未黎過, 所點既都係推介菜式~



 <柑尾推介> 野菌忌廉湯

濃厚既忌廉湯, 裡面有極多菌碎, 非罐頭之物~ 超好飲....
但飲一碗的話會飽左半, 所以我同男友Share, 份量啱啱好~

 隨湯附送小豬仔餐包.....
暖暖的.....

 <柑尾推介> 檸檬白酒炒蜆
味道酸酸地, 酒味夠香, 用作頭盤真係一流!
好開胃呀.... 差D連D汁都飲埋.........






 <柑尾推介> 葡式乳豬釀飯

同港式乳豬好唔同, 葡式乳豬既皮係更薄更脆更香口!
釀既係茄汁炒飯, 一個好少見到既配搭 (是葡式嗎???),
還不錯啦~ 相比面層既乳豬, 炒飯就比下去咯~

 <不推介菜式> 葡式麵包焗雞

上檯時侍應會用較剪將麵包剪開~
下剪時聽到麵包裂開既聲音, 證明係鮮脆既.....

可惜隔左陣, 麵包吸收左葡汁變淋lu....

椰絲很多, 但葡汁不夠香, 跟廿蚊快餐無分別 (什至更普通),
可以留肚食其他野....

 




 <柑尾推介> 馬介休焗酥皮

其中一款我最愛的菜式!
熱辣辣又香脆既酥皮包住馬介休~
其實我唔知乜野係馬介休, 裡面既饀料主要為薯仔, 因此都幾飽肚~
食半個已經好滿足....

 <柑尾男友推介> 葡式海鮮燴意大利飯
個汁好明顯係用蝦殼, 蝦頭淆製, 極似龍蝦湯味道, 個人不太喜歡, 但男友食得滋味~






 <柑尾推介> 銀鱈魚柳
另一推介菜式,
最後一道菜, 大家都已經食到好飽~
好彩銀鱈魚整得唔油膩, 魚好滑~
連平時唔食銀鱈魚既朋友都停唔到口....





總括呢餐大家都食到好滿足啦!!
每人都只係百幾蚊... 抵呀~





by 柑尾 @ CambOn