清淡脫俗既新娘

其實，我最愛清淡脫俗既妝容......

雖然話結婚係一世人一次，
但有必要將妝容都化得連親戚朋友們都認唔出新娘子？

當然個人喜好人人唔同，
婚禮係屬於你既，
只要主人家喜歡就好了。




以下呢個清淡脫俗既新娘妝係你杯茶嘛？




〔日間註冊婚紗Look〕
影相時，剛好有日光既照射下，新娘子明亮照人。

〔早上褂Look〕
同樣妝容配上簡潔髮髻及大紅絲花頭飾。
其實只要絲花質素好，影相效果媲美鮮花咁靚。







新娘子有個尖尖既下巴，妝前都已經係個可人兒。

 花較多時間喺遮瑕方面，將黑眼圈，暗瘡印及泛紅通通踢走。

 眼妝點到即止，精靈有神就己足夠。

 修容方面主要用陰影及光影令鼻樑更突出。

 淡粉胭脂及玻璃咀，甜美感覺Checkpoint。



如果你係婚宴賓客....
淡妝新娘，你又喜歡嗎？



支持一下我新開既Facebook專頁啦～
http://www.facebook.com/GMakeupByCammy









好囉，又不厭其煩提提大家..............


免費化妝服務到2013年3月!
尚餘一個月，各位把握機會喇!

歡迎任何新娘化妝/姊妹化妝/媽咪化妝, 影畢業相留念, 公司Annual Dinner, 參加宴會, 或者係睇完波妮既[自拍Pre-Wedding]想自己影返輯都可以聯絡我。

3月份尚餘少量日子，歡迎查詢。Whats App: 6203-3100, Cammy



by 柑尾 @ CambOn

有外表無內涵既洗甲水 - KOSE Pure Mild Enamel Remover

經一個多星期既洗禮，甲油都花了，褪色了........
淡粉顏色變得更淡......

似足我呢個星期既心情.................... （糟透！）

打算一洗頹氣，點知洗甲水唔爭氣........

Ehh.... cover 10秒的話，更近乎未洗過一樣........





功效唔掂，氣味搭夠。
天拿水味超級濃烈刺鼻。

我相信，你都總有跌入產品包裝陷阱既時候..........
呢支就係完完全全單憑包裝而選擇買的..........　（中伏！）



洗甲水配上粉紅色樽身，
於一眾同類產品那郁悶既包裝比較下當然吸引著眼睛。



KOSE Pure Mild Enamel Remover
$3x / 220ml

Oh~ 返到屋企先發現係Made in Vietnam~
Made in China既成本都唔夠低，可能以後會見到更多Made in Vietnam既產品嚕。













雖然中雷，但總不能浪費，話晒真金白銀買返黎。

為左捍衛我既三十幾蚊，我忍！
就換換卸甲方法.........
再黎....................

1/ 將化妝棉剪成小方形

2/ 倒出洗甲水，又恰巧洗甲水既蓋可以做一個小小既容器。（憤怒感消減中....)

3/ 棉花沾透洗甲水,放於甲面待30秒

4/ 逐隻捽。












好啦，算你啦，暫時繼續用你啦.......

來一個近鏡，終於乾淨晒啦..................

指甲休息日進行中~~~~~

by 柑尾 @ CambOn

只是給Baby 吃的 Baby Cafe

很久沒有說過吃的了，
無法子，
現在身型要緊，
所以口也要停一下，
在婚前也不能大吃大喝。

16/2 剛好是婚前的三個月，
是時候去租衫了。
約了中學同學和我試衫，
人家和你試衫也得填飽肚吧，
所以我們便先去I SQUARE 享受下下午茶吧。

I SQUARE 雖然食肆不少但也未想到合心意的，
說到底也是個下午茶，
價錢合理就可以了，
看到Baby Cafe 有下午茶，
價錢大約由$37-$69不等(未計加一)，
也算很合理，
就試它一次吧。

店舖設計以黑白色為主，
穩陣的色調，
Grand 得來又時尚。
牆身也有Mon 不停播著Angelababy 的相，
如果是Angelababy 的fans 一定看相也看飽了。
至於座位也相當舒適，
座下來點食物是時間，
感覺還可以的。

到點菜時間，
Menu 沒有太多的選揀，
西式為主，
不過Cafe 來說食物選揀少也可以接受。

當然少不了Angelababy 的相做Menu 的Cover，
她是這裡的老闆，
也是這著的生招牌。

Menu 裡有一個Angela 三食和 Baby 三食，
應該算是這裡的招牌菜，
舊同學order了Angela 三食 - $69，
而我就order 了辣腸意粉 - $45 (大約)。

這個便是Angela 三食，
Sorry，
這裡的燈光問題，
映了多次第三色也是爆光。

第一食 - 兩隻雞翼，
說真，
味道麻麻，
好明顯是翻炸，
皮厚不趣口。

第二食 - 燒三文魚兩片，
這個很好，
夠肥美。

第三食 - 墨魚汁意大利飯，
飯口感很好，
大粒有咬口，
但味道勁咸，
食兩口己經有小小反胃。(倖好份糧也只得兩口)

我的是辣腸意粉，
意粉食得出不是一般街邊貨，
味道也適中，
這個OK。

以上茶餐也不包飲品，
這是一個缺點，
Cafe 無飲品跟，
感覺差一點。

總括而言，
三五知己談心，
進來簡單叫飲品是可以，
因為環境舒適。
但如果是吃飯，
這裡不是一個好選擇，
最少你一定吃不飽，
除非你是Baby 吧。



by 波妮 @ CambOn

絕對感覺良好靚褂之選 - 錦發鏽品公司

星期六去了TST 用$6880租了十套衫，
即是一婚紗、三晚裝、一男禮、一裙褂、兩媽咪衫送一伴娘，
但是傳統掛，
未來奶奶和我還是覺得婚紗店未夠好，
繡工也好像不太好，
所以試完晚裝，
即九秒九落MK 搵褂。

未來奶奶太醒目了，
她介紹了我去錦發租褂。
我上網也看過錦發這個大名，
但就是懶，
沒有去記下地址。

錦發地點就在朗豪對面，
方便到一得了。
一入去，
有一對老人家，
男的斯文有禮，
女的活潑直接。
我一說有什麼褂可以租，
婆婆就用她最專業的意見給我意見，
還快手拎出來給我試穿，
又叫我映張相看看，
她的服務令我覺得"我賣的是好貨，不怕你貨比貨!!"
信心之選。

我試了一套小五福及一套中五福，
小五福就金銀線小一點，
紅色多一點。
中五福就金線多一點，
感覺豐富很多。
最後很快選了中五福，
和婆婆說會介紹朋友來，
她還主動收便宜一點，
原價$680，
現在$650。

這個是小五福，
$480有交易，
但金線不多。

這個是中五福，
我租的就是這件，
論鏽工和Cutting，
也比婚紗店好!!!
這件看上去貴氣很多，
一生人一次，
著大D 啦!!!!

我不是因為婆婆收平我而幫她賣廣告，
但當你結婚每一項都要花時間花心機去搵去傾的時間，
遇到這個能給你信心的Sales，
感覺很窩心的。
這裡價錢公道，
褂新繡工算是好了，
加上友善的態度，
不用十五分鐘，
我就KO 了租褂項目。
各位準新娘子如果去租褂，
都可以同婆婆傾兩句，
佢應該都會樂意減D。

落訂開單，
婆婆仲教埋如何過大禮，
雖然我們沒有join 過大禮的package，
但婆婆也耐心講解，
還給了男家女家過大禮事項的單張，
感覺很親切呀!!~

女家回禮的

男家過大禮的

在整個婚禮的過程裡，
錦發是感覺最窩心的店舖之一。




by 波妮 @ CambOn

走入婚紗展第N次

打完個Check list，
得番三個月的時間，
連衫都未租，
我諗都無乜邊個夠我遲!!

為了找尋最抵最平的租衫舖頭，
所以星期五一放工，
我就和同事殺落灣仔睇婚紗展，
任務有三個:
1. 租衫
2. 睇介指
3. book 律師

其實未必真的要在會展做晒所有東西，
但最小知道下價錢比較下。

好，
先講講租衫方面。
大部份都要一千蚊左右一件，(以package 計)
有兩、三間可以做到八百至九百蚊一件，(以package 計)
但是相比下，
看過一千多租一套的衫，
你一定看不上八、九百蚊的那些貨色。
再者，
其實旺角金都都有D $3988五套，
但貨色一般，
租衫呢家野，
真係一分錢一分貨。
而八、九百一套，
TST 平時大把地方都做到，
未必一定要在這那咁冒險join，
所以無join 到就走左去睇介指。

介指一直都中意PN，
但它的價錢真的有點貴，
就款而言，
它是No, 1，
但價錢真的有點貴，
會展價做緊全場九折，
九折後也不見得很吸引，
所以又沒有再看介指。
(其實心水清的就知道，
介指入會展買未必平。)

再去看律師，
由於時間太急了，
所以律師我遇到"葉謝鄧律師行"，
價錢是$3004，
這個價錢很好呀!!
但是不知是否受廣告影响，
我心目中的"葉謝鄧"是辦離婚、索償的...haha (我當然知佢律師乜都做，但係個廣告影响大深遠了。)
反正我又心有所屬 - 岑漢和。
岑律師價錢$3880加$305(行政費)，
但他有實惠$1000 Coupon，
和男朋友討論過，
還是找個有信心一點吧。

這次應該是我最後一次為自己行婚展了，
下次再來，
可能是朋友們結婚吧!!!
今次實際得著沒有，
但目標己定，
星期六就很快租到衫，
星期日仲租埋褂，
詳細再和大家分享吧。



By 波妮 @ CambOn

莎莎平玩指甲貼

近期各大品牌都出美甲貼。
經過莎莎這款甲貼正做特價，就平價買回來玩玩啦。


平時愛搽淨色既我，甲貼就揀浮誇一點的圖案吧。




Magico Nail Make-up 指甲貼
$25 / 2包 @ Sasa
(原價$19 / 包)



每包還附上一支小小的甲銼。

背面附清晰的中文說明。
但不用看啦，看我下面的就好了...呵呵。

Step by step..............



1) 先卸走之前既甲油。

2) 說明書沒提及既一個步驟：
先用小銼將甲面磨得平滑點，特別係甲面邊緣既死皮，會令甲貼貼得不平滑，通通銼走它們吧。

3) 選擇一張合適〔闊度〕既甲貼貼上指甲。
長度不用理會，之後會將過長位置磨走。

4) 貼得平平穩穩後，一邊向下拉著甲貼過長部份，一邊用銼沿指甲邊緣磨。
每個位置大概一兩下就可將多餘的甲貼磨走。





完成圖...............

很浮誇，是嘛？

這款甲貼紙質感重，我的指甲弧度比較大，都要花點心機才可將甲貼貼得平伏。
叫做一分錢一分貨啦。

經我粗暴對待，都keep到2 - 3天。
要卸就由邊沿撕下即可，洗甲水都慳返。

免費化妝服務至2013年3月!
歡迎任何新娘化妝/姊妹化妝/媽咪化妝, 影畢業相留念, 公司Annual Dinner, 參加宴會, 外影或者係睇完波妮既[自拍Pre-Wedding]想自己影返輯都可以聯絡我。


比個like支技下啦，新開既Facebook專頁...http://www.facebook.com/GMakeupByCammy
遲D會於Facebook放更多相片供參考~

Whats App查詢: 6203-3100, Cammy






by 柑尾 @ CambOn

情人節Home Dinner（煎牛扒心得分享）

農曆新年五天假期，就忙著做節食飯，忙著拜年中渡過。
本來想提早做個情人節妝容示範都無時間。


緊接既初五，開工大吉 + 情人節快樂！

假期後遺症... 早上連眼都睜唔大。
幸好一朝早得已婚同事們自動自覺大派利是，哈，我就似錄音機般講盡我識既恭賀說話...

放工後就係二人世界慶祝情人節既時候。
沒有鮮花禮物，兩個人拍住拖去行City Super一樣快樂！
買買買買買..... Pama Ham, Cheese, 黑松露醬, 沙律菜, 法包, 鵝肝, 牛扒.....

我們情人節晚餐，好滿足既一餐啊.....

第一次煎鵝肝，製成品好鬆散，亦唔夠香脆。
有待改進....

反而經多次煎牛扒既經驗，加上City Super位Promotor姐姐指點，今次塊牛扒煎得史無前例咁成功！
今次同大家分享少少煎牛扒技巧吧...


選了這款牛扒...


Aus Chilled Wagyu Beef Sirloin
澳洲黑毛和牛鮮西冷牛扒
$155 / 100g @City Super

其實我比較喜歡Rib Eye，但西冷〔體積較小〕，最後選了西冷。
說西冷〔體積較小〕，厚切關係（約1寸啦)，一件都有350g，盛惠$550。
圖中西冷左邊一款就係Rib Eye，相信選Rib Eye的話每件至少重500g 。



用的只是普通平底煎Pan，放油加熱。

由於過早放鹽，會令牛扒水份流失。
煎前才放少許黑胡椒及海鹽 (我用普通粗鹽) 調味。


要令牛扒外脆內軟，就先將兩面煎香，同時可以封住肉汁。
大火放牛扒，煎一分鐘。
反另一面再煎一分鐘。
（如不喜歡香脆口感，同樣用大火，但面煎30秒）





之後轉用中火（如果爐火猛可用細火，視乎火力而定），兩邊再煎。
Promotor姐姐教從扒邊睇生熟度，但其實邊位己全轉色，跟本分辨唔到。
心諗：生總比過熟好，於是就每邊多煎大概兩分鐘。


上碟！
賣相100分...





另一小貼士，牛扒煎好後，切忌即時切開。
最少放一分鐘，餘溫除了可以繼續焗熟中間既肉。
肉汁亦得以鎖緊，唔會一切開便流出肉汁。

一刀切下，Wowowo... 肉質鬆軟，肉汁依然鎖著。
是Medium Rare (50%)，喜歡到極！

應該因為放了三分鐘，中間雖然生，但食落唔會有血淋淋既感覺。






買時都擔心西冷較少油脂，肉質會"鞋"。
但和牛既好處...就算西冷都有足夠油份，擔心原來真係多餘。

而且澳洲和牛既油脂恰到好處。
不似日本和牛，吃一兩口已滿咀油膩感，非追加白飯不可。

當然，兩者各有千秋。





今次成功煎到塊靚扒真開心。
呢餐超晒標... 又到努力運動，努力工作既時候嚕。

黎緊好多Bridal Trial同外影Makeup...
提提大家啦，免費化妝set頭服務，仲有一個月咋，唔好錯過呢個機會喇。







====================================

經過既比個like支持下啦! 感激感激! http://www.facebook.com/GMakeupByCammy

歡迎查詢化妝工作, 包括宴會化妝/畢業禮化妝/謝師宴化妝/公司Annual Dinner化妝/姊妹化妝/新娘化妝等等。
亦歡迎化妝師/攝影師/婚紗店合作。
Whats App: 6203 3100, Cammy
或到facebook留message~

====================================

by 柑尾 @ CambOn

倒數三個月Big Day Check List

嘩!!!
仲有三個月就做人地老婆，
但係我衫都未租，
快D 整個check list 提下自己先。

PS. 柑美: 你記得提我呀!!!



516 Wedding Check List

大婚日期: 16-5-2013 (四)
婚宴地點: 德藝會 @ Club One
出門地點: SKW
入門地點: CW
兄弟團: 6人
姊姐團: 6人
司儀: TBC
律師: 岑漢和律師
婚紗相: 1. Monalisa (三月份可取)
              2. 自拍Pre-wedding (己自製相簿)
新娘及伴娘化妝:  Yvonne @ Anna Creation
媽咪及姊妹化妝: G makeup by Cammy
婚禮攝映: Starlet Production + G makeup + 朋友
婚禮錄映: Starlet Production
場地佈置: 德藝會
結婚介指: 未定 (三月份前買)
新娘花球: 已有一個絲花球，到時訂多個鮮花球。
主婚人襟花、手花: 未有 (DIY)
兄弟姊姐襟花、手花: 未有 (DIY)
囍帖: 未有
結婚公仔: 唐老鴨
囍字Cushion: 未來奶奶有斟茶用具: 未來奶奶有
回門乳豬: 未訂餅咭: 西餅 (美心) - 180張
          唐餅 (奇華) - 30張 (連過大禮用)
主花車: 朋友's 車 (未confirm)
28人 van: 未訂
Wedding Logo: 有，但唔知點用。
Wedding Theme: 唔知有無。
租衫: Couple Beauty (要訂造爸爸禮服)褂鞋及高跟鞋: 未買 
飾物: 化妝師已包
接新娘遊戲: 未有
婚宴音樂: 己選揀部份歌曲
片頭製作: Starlet Production (三月交相)
枱號牌: 未整 (DIY)
Welcome Board: 未整 (DIY)
Meun 牌: 未整 (DIY)
簽名筆:  己有
香檳杯: 柑美送
回禮禮物: 有Candy Corner、即場晒相
酒類: 未買 
賓客名單: 初步已定 (大約十五至十八圍)
賓客坐位表: 初步已定，未整牌)
簽名布: Monalisa 包
感謝辭: 未諗
Contact List: 未整好
全日流程: 進行中
Honeymoon: 未定





 By 波妮 @ CambOn

2013情人節最佳節目

今年情人節難得情人放假，
但是我們的節目不是二人行，
而是兩家人會面。

雖然拍了十多年拖，
但兩家父母見面真的是第一次。
心情超級緊張和不安，
老實說:三九唔識七食飯有乜好傾呢?
不過婚前三個月也要一聚吧。

一行十二人有老有幼過節，
幸好氣氛和諧，
雖然不至於滔滔不絕，
但也不至寂靜無聲，
很快便完成飯局，
希望將來會有更多兩家人相處的機會，
和諧和諧!!!










By 波妮 @ CambOn

送龍迎蛇!!

今年過年氣氛一般。
昨天行過銅記年宵，
沒有特別的，
什麼也沒有買便走了。

商場又沒有太大特色，
或許今年是蛇年，
構思上有難度，
所以設計上也只是普普通通。

不過如要感受節日氣氛，
大家可以試試去Shopping!!!
門口一個又一個大大的"SALE"、"50% OFF"﹐，
都是過時過節最好的証明!!!!
等我一陣都去血拼一下，
好為新年添新衣!!! (又搵籍口買野!!!)


雖然節日氣氛一般，
但今年的農曆年我是很期待的，
因為是做"女"的最後一年。
這一年是我最後逗利是的機會，
所以我今年會博到盡，
周圍拜年架喇!!!!!!!!


五天工作的朋友們，
還有個多小時便收爐了!!
在這裡和大家拜個早年，
祝大家新年快樂、心想事成、萬事如意、青春常駐!!!!