我的靚靚花球

其實花球呢家野神早買左，
上年映Pre-wedding 己經買左一個，
人地話映Pre-wedding 買D 淺色好D，
映落會nature D，
所以我都買左個淺色，
一拎上手，
就覺呢個係屬於我!!

呢個花球我都係金都買，
諗住Big Day 會買個鮮花，
所以呢個都係只會用一次，
點知去到Big Day，
D 鮮花球貴到我買唔落手，
成千蚊一個，
拎o個一陣，
映相個主角又唔係個花球，
所以我都係用番佢。

So far 都keep 得好好，
唔會好化學，
用左兩日都仲係咁靚!!~
$388一個用兩日!!
抵!!!

其實呢間flower shop 都好多花球好靚，
好多都做得好好，
有興趣的可以去金都睇睇!~
叫Florist Shop 咁上下，
係金都上一層電梯。

給兄弟姊妹的手花襟花

時間過得真係快，
不經不覺我己經成為師奶差不多一個月，
心情係有D 失落，
同時間又覺得世界好奇妙。
失落係因為經過一年的努力，
不停的為婚禮諗諗做做，
突然一切完結，
好似心靈無左種寄託。

但同時感到奇妙是在這個時間裡，
我認識了很多B2B 或者新婚的朋友仔，
明明大家未見過，
但係又好似成日見咁，
明明唔識但係又好似好熟好了解大家咁，
感覺好得意。

雖然我己經做左師奶，
但係我都會比心機紀錄番婚禮上有用的、充實的事情，
當作一份紀念品，
送比自己同各位B2B 的小心意。

成個大project 裡，
成功感很大，
除左婚禮順利完成，
得到各長老的欣賞外，
仲有好多值得鼓舞的地方。

手花呢一個items，想不到反應是如此的好，大家見到之後，親友們紛紛問我D 手花係邊度造，
想不到一個小小既item竟然引起咁大既迴響。

情有獨鐘珍珠鏈!!

花的中心都有珍珠，
完美!!

by 波妮 @ CambOn

主人家襟花、新郎襟花、姊妹手花工廠

小時候最中意做手工，
讀書時又因為欣賞一個教美術的Miss而條美術，
所以我的讀書生涯離不開造手工。
但出來工作後，
這種DIY 的熱情不再，
但我立志，
我結婚之時，
一定會重出江湖，
因為我想有一個"自己"的婚禮，
今天，
我做到了。

婚禮上很多獨一無二的東西，
成就了一個給人耳目一新的婚禮，
其中最多人讚的是襟花和手花，
其實有點意外的，
因為我沒有想過賓客會留意這些，
造手花的時候，
只是想給我最愛的兄弟姊妹們留一點紀念。

還記得之前的成品嗎?
滿意之作 - DIY 手花
在婚禮前多謝柑美出手，
夾手夾腳完成，
給大家的一份小心意。

淘一個盒回來放好，
得體大方，
姊妹們以為我搵人造，
對呀! 那個人就是我和柑美了!~ 哈哈!!

完成之後，
我也有去金都的地方看看店裡的襟花和手花，
誰知看了很多間，
也找不到比自己造的更好。 (賣花讚花香,,,,哈哈!!)

當日姊妹帶上手，
個個都話靚，
珍珠鏈手花加姊妹裙，
己經很好看!~
有幾位姊妹來年也結婚了，
嚷著要我和柑美幫她們造手花，
好!!閒時又多一種手工可以造了。




by 波妮 @ CambOn

滿意之作 - DIY 手花

之前真的忙到一日十二小時都是做結婚的東西，
現在大局己定，
除了宴客名單還在改完又改外，
基本上所有事情己經安排好了，
所以得閒打Blog 分享分享。

很多人也會主張有主題婚宴，
例如顏色、花紋等等，
本人極愛波點，
所以有些東西也加入了波點的原素，
但當然也是適可而企。
顏色方便，
我反而沒有太大的遷就，
給人溫暖的感覺就好了，
反正我很多顏色也喜歡。
再者，
局限在顏色裡是很痛苦的。

好，
說回手花，
我的花球是粉橙粉紅色的，
所以姊妹的手花也會近似花球的顏色，
望上去工整一點。

先看看成品。
(由於橙光問題，手花顏色遠比實物，實物是較鮮色的。遲下再補上近似顏色給大家參考。)

中間我們加了粒珍珠，
看上去高貴一點。

再者，
我不希望姊妹要分心去照顧手花﹐，
時常綁完又綁，
又怕不見了它。
所以我和柑美用珍珠鏈做綁在手腕，
安全可靠又美。

其實花的後面有兩朵綠色小花作伴的，
但由於角度問題也映不了，
下次再補上來和大家分享吧。


手花順利誕生，
特別要鳴謝柑美的配合!!!!
好!!
弄好一朵，
工廠女工生活開始了。







by 波妮 @ CambOn