膠原口入, 暗蒼面出（明治氨基膠原）

公司附近唯一可以滿足一下購物慾既地方, 除超市, 就只有萬寧。
Lunch經常失守於此地。
有時食飽飯周圍行下, 行下行下又覺得唔買D野好似對唔住自己咁 (hehe.. 病態!!)


早幾個月前就因為特價, 一次過買左兩罐明治氨基膠原。

Meiji Amino Collagen, 200g/罐


每罐附膠匙一隻, 建議每日一次, 每次一匙。
指示寫可加入各類飲品, 果汁, 乳酪, 牛奶, 湯, 或暖水等。

上網睇過d comment, 有人話佢好難飲,
其實佢既味道係甜甜既奶味, 我覺得加入奶類飲品, 尤其係咖啡, 味道非常不錯。
但如果加入果汁呢, 則十分難飲, 味道奇怪, 而且加入凍飲會唔融及結成一舊舊。

 

一星期飲5次, 飲完第一罐效果幾好, 覺得毛孔較之前細緻, 皮膚水嫩。
直到第二罐一半, 開始黎料喇.... 爆粒大暗蒼。
試下停左飲直到蒼蒼好返, 再飲過.....
好～又黎一粒大既....
唯有再停....


隔左一排望見佢.... 成二百蚊罐無理由唔飲埋佢架~ 唔憤氣, 又試過....
結果係....
大蒼又返黎喇!

總結：我以後可以同呢罐氨基膠原say byebye!!




by 柑尾 @ CambOn