滑嘟嘟雞蛋布丁 (附免蒸焗方便版雞蛋布丁食譜)

放假總係想整下呢樣, 整下果樣~

上星期五請左半日假去攞貨~
行左成日雖然已經好好好攰,
但夜晚心血來潮想食雞蛋布丁, 見有齊材料, 行動！

快快手整個簡單方便版先.....

材料簡單!

 

 


做法亦簡單!

黃糖可以用黃片糖, 呢包黃糖粒係我上次買大閘蟹送的, 啱晒。
加熱水煮溶黃糖, 用微波爐叮又得。
跟手倒一層入杯底備用, 我用返上次為朱古力火山而買既鋁杯仔。

將蛋黃打勻即可, 盡量少起泡, 就會滑D。



暖牛奶 (又係用Microwave叮暖佢, 快手嘛)加糖攪溶, 今次我用左糖霜, 因為比較易溶。

魚膠粉加熱水攪溶, 再加入牛奶蛋混合液, 攪勻。

過篩兩轉, 隔走唔幼滑既粒粒同氣泡。

輕手倒入杯, 倒時小心唔好將之前杯底既黃糖撞起。

用保鮮紙封好放入雪櫃雪3-4小時。

起模時可以將個杯座一座熱水, 就好容易甩模架喇。





雞蛋布丁（免蒸焗方便版）

蛋黃 2個
牛奶 250 ml
糖 40 g
魚膠粉 10g（用魚膠片的話份量為1片）
水 20 ml










by 柑尾 @ CambOn