[週年記念飲飲食食篇] 靚View之選 - Woolomoloo Steakhouse (Wanchai)

放大假留港消費, 繼續吃喝玩樂!




去完海洋公園....
忽然好想大口大口食牛扒!!


諗到想試好耐, 但又未試過既Wooloomooloo Steakhouse (灣仔分店)
位於31樓, 餐廳落地大玻璃牆, 環境一流! 令我有點忘記身處灣仔鬧市之中!!




侍應先上麵包, 熱辣辣外脆內軟!






點了龍蝦湯...
顏色奶白色, 但龍蝦味很重!!
男友勁鐘意....

見到隔離台食, 被賣相吸引了...........
頭盤 - 大蝦Cocktail~

蝦十分大隻爽脆, 加埋酸酸甜甜既汁好開胃啊....

主角出場!!

我點了Wooloomooloo Steak~ ($380 / 12oz)
5成熟, 肉質好鬆軟, 但牛味唔算好濃....

男友點左Australian Angus Strip ($380 / 12oz)
西冷肉味重少少, 但肉質有D"鞋"...








好在點左西蘭花做配菜....
食得太多肉, 要點蔬菜清新一下!

最後... 我發現我個胃係放唔落一塊12oz既牛扒!!!!
我諗我食左6oz就好Full好Full了~
男友都係好不容易先食得晒........



唔通我地真係咁細食??
為左唔浪費, 最後我只好將半塊牛扒打包.............





頂層比人包場攪Event, 如果唔係打算上去飲杯野架.....

灣仔wooloomolo環境一流啊~
昏暗燈光其實都幾浪漫~

但奇怪既係隔離台全部都似係business人~
好多西裝友傾生意咁款.......

不過都好, 氣氛輕鬆D, 無咁拘謹!



最後埋單千六!
下次再去可以嗌少塊扒~ 加d其他小食.......




by 柑尾 @ CambOn

重遊海洋公園....

放大假留港消費, 繼續吃喝玩樂!



呢日就去左海洋公園勁玩機動遊戲...



仲記得以前細個一家人去海洋公園,
總係晨咁早起身, 由開門玩到閂門!

果時雖然海洋公園仲未擴建, 但都覺得地方好大好大好大!
身高未夠無得玩機動遊戲, 但都覺得可以玩可以睇既野總係一個full day都唔夠~




到中學後, 幾乎都係同同學,朋友一大班人去,
機動遊戲玩完一次又排隊再黎過...

今次再黎海洋公園,
只有兩個人...
訓到日上三竿先出發....

好耐無玩機動遊戲, 開頭都有D驚~
但越玩越大膽.... (hahahaaa)



玩左半日, 海洋公園比我既感覺竟然係................
返左大陸旅行!!
它好像不再屬於香港人....

by 柑尾 @ CambOn

[週年記念飲飲食食篇] 愛上日式燒肉

最近吃得肚滿腸肥~
相信黎緊既post都係同食食食有關....

事源早前同男友既週年記念,
臨時大家都放到幾日大假,
咁急訂機票去旅行好貴好唔抵,
於是決定..... 留港消費!




其中一日我地就黎到旺角既燒肉孫三郎食日式燒肉喇!

燒肉店開得成行成市, 價錢參差~
其實計我話只要有靚肉, 點燒都好味!




呢道裝修平實,
有唔少係卡位, 感覺坐得舒服D,
講野都唔怕比隔離位偷聽~


店員會為你介紹醬料,
左起: 海鹽 / 檸檬 / 海鮮的 / 燒肉的







鹽燒薄牛舌

一碟6片大大片既牛舌, 放上爐烤一陣就食得~
好爽好好味~

跟著是上等牛排肉及上等牛肩脊肉,
睇下肉上既雪花, 就知道有幾好味!

咁靚既牛肉, 輕輕燒一燒已經夠~
入口油脂豐富!
我而家邊打Blog都邊想再食過.... (hehehee..)

壼物醬汁牛肋骨

燒好後用較剪剪開...
全程有店員幫手, 唔怕唔識燒會浪費左塊靚牛!

用醬油醃製過既牛肋骨十分惹味,
立即追加一碗白飯!!

美食當前, 點少得美酒相伴~
清酒可以消除牛肉中脂肪既油膩感, 食多兩件都唔怕!

由於之前睇戲食左D爆谷同熱狗, 所以晚飯時唔算嗌左好多野食~
埋單八百幾蚊, 食到咁出色既牛肉, 物超所值!



by 柑尾 @ CambOn

另類擺酒 - 宵夜場

以前讀書玩到兩、三點先訓，
等閒之事，
但出來做野後，
最遲一點就要訓，
否則一定支持不住。

昨夜男友有同事結婚，
由於工作時間問題，
很多時要同事們聚首一堂，
也一定要在宵夜的時間，
擺酒也不例外，
今次我有幸可見識見識了，
因為明年......
主角將會是我。
所以明年我們會擺兩場，
想起也覺得銀包很痛!!!!!
不過開心事，
希望應付得來吧。

和我的朋友說起，
大家原來對宵夜場也很陌生，(其實我都係因為男友而得知有夜宴)
所以都簡單說說吧。
其實和平時擺酒差不多，
只不過時間會夜一點，
環節會少一點。
大家的穿著也可以輕便一點，
不用再著禮服，
但主角當然要扮靚靚啦。

十一點恭候，
十二點半入席，
完場大約是兩、三點吧。

入席前同樣也有麻雀酒水供應，
入席後也不用新人進場，
新人輕鬆在台上說兩句，
或可以播回之前晚宴的早拍晚播就可以，
有娛樂之餘又不用準備。
食的碟數有八至十碟，(但碟碟豐富，碟碟也清不了。)
特別一提是魚，
很好味，
比起平時飲宴的出色。
還有凌晨切飽魚，
真是很high class 的宵夜。

再來便是敬酒，
不用勞師動眾，
簡簡單單兩個新人敬酒就可以了，
如父母同場也可以一同敬酒。

第一次參加這個時間的飲宴，
的確有所得著，
但可能不太習慣深夜飲宴，
食少許己經飽了，
不過之後應該會有很多機會去夜宴的。



題外話:
今次真是要比個叻自己，
今早四點訓，
七點便起身返工，
加上得16度，
如此情況也能堅持，
真要拍拍手加加油!!!!





by 波妮 @ CambOn

食在澳門 - 氹仔波爾圖葡國餐廳

前幾日提到去澳門睇格蘭披治,
一個無任何planning既短trip,
由於我地住喺氹仔既酒店, 於是近近地走左去<官也街>搵食~

是但搵間葡國菜啦, 又唔錯喎~

檯與檯會有點近, 不過環境都算唔錯~

 

我地4個人都十分肚餓, 點滿一檯食物.......
由於未黎過, 所點既都係推介菜式~



 <柑尾推介> 野菌忌廉湯

濃厚既忌廉湯, 裡面有極多菌碎, 非罐頭之物~ 超好飲....
但飲一碗的話會飽左半, 所以我同男友Share, 份量啱啱好~

 隨湯附送小豬仔餐包.....
暖暖的.....

 <柑尾推介> 檸檬白酒炒蜆
味道酸酸地, 酒味夠香, 用作頭盤真係一流!
好開胃呀.... 差D連D汁都飲埋.........






 <柑尾推介> 葡式乳豬釀飯

同港式乳豬好唔同, 葡式乳豬既皮係更薄更脆更香口!
釀既係茄汁炒飯, 一個好少見到既配搭 (是葡式嗎???),
還不錯啦~ 相比面層既乳豬, 炒飯就比下去咯~

 <不推介菜式> 葡式麵包焗雞

上檯時侍應會用較剪將麵包剪開~
下剪時聽到麵包裂開既聲音, 證明係鮮脆既.....

可惜隔左陣, 麵包吸收左葡汁變淋lu....

椰絲很多, 但葡汁不夠香, 跟廿蚊快餐無分別 (什至更普通),
可以留肚食其他野....

 




 <柑尾推介> 馬介休焗酥皮

其中一款我最愛的菜式!
熱辣辣又香脆既酥皮包住馬介休~
其實我唔知乜野係馬介休, 裡面既饀料主要為薯仔, 因此都幾飽肚~
食半個已經好滿足....

 <柑尾男友推介> 葡式海鮮燴意大利飯
個汁好明顯係用蝦殼, 蝦頭淆製, 極似龍蝦湯味道, 個人不太喜歡, 但男友食得滋味~






 <柑尾推介> 銀鱈魚柳
另一推介菜式,
最後一道菜, 大家都已經食到好飽~
好彩銀鱈魚整得唔油膩, 魚好滑~
連平時唔食銀鱈魚既朋友都停唔到口....





總括呢餐大家都食到好滿足啦!!
每人都只係百幾蚊... 抵呀~





by 柑尾 @ CambOn

亞太區美容展

上星期會展舉行亞太區美容展,
同扮靚有關既事, 當然參與一下!




展覽足足佔三層地方, 我主力睇美容護膚化妝用品~
參展商來自不同國家, 法國/德國/日本/韓國/大陸等等等等...

產品多到呢.....
化妝品, 護膚品, 護膚儀器, 指甲油.....
有醫學, 有天然....
不能盡錄!


第三日會有部份產品發售, 價錢仲要係開倉價!


由於我好晏先去到會場, 時間倉猝, 一入到去就咩都睇下玩下試下....
最後都帶左少少產品返屋企.........

等我用過之後先同大家慢慢再介紹.......







不過最好笑既係, 我竟然有以下收獲....................

你無睇錯!!!

就係牙縫刷 x 2 pack  , 仲送2盒牙線, 盛惠$20蚊~


啱晒我銀牙柑尾!!! wohohooo~







by 銀牙柑尾 @ CambOn

超抵 bla bla bra

女人錢真的很易賺，
只要有特價，
因為飯都可以唔食架!!!!
前日本身諗住行一陣，
點知比我見到周圍減價.........
一個人由六點行到十點!!!!

不過最抵都係bla bla bra，
真係抵到你唔信，
e家佢 做緊大減價，
有部份$150/2 或者做緊半價，
優惠做到今個月月尾，
有興趣可以去睇下，
因為真係好抵!!!!
我都買到一袋二袋番屋企!!!

溫韾提示:
銅鑼灣皇室堡會大D，
Size 也會多D。



by 波妮 @ CambOn