相信黎緊既post都係同食食食有關....
事源早前同男友既週年記念,
臨時大家都放到幾日大假,
咁急訂機票去旅行好貴好唔抵,
於是決定..... 留港消費!
其中一日我地就黎到旺角既燒肉孫三郎食日式燒肉喇!
燒肉店開得成行成市, 價錢參差~
其實計我話只要有靚肉, 點燒都好味!
呢道裝修平實,
有唔少係卡位, 感覺坐得舒服D,
講野都唔怕比隔離位偷聽~
店員會為你介紹醬料,
左起: 海鹽 / 檸檬 / 海鮮的 / 燒肉的
鹽燒薄牛舌
一碟6片大大片既牛舌, 放上爐烤一陣就食得~
好爽好好味~
跟著是上等牛排肉及上等牛肩脊肉,
睇下肉上既雪花, 就知道有幾好味!
咁靚既牛肉, 輕輕燒一燒已經夠~
入口油脂豐富!
我而家邊打Blog都邊想再食過.... (hehehee..)
壼物醬汁牛肋骨
燒好後用較剪剪開...
全程有店員幫手, 唔怕唔識燒會浪費左塊靚牛!
用醬油醃製過既牛肋骨十分惹味,
立即追加一碗白飯!!
美食當前, 點少得美酒相伴~
清酒可以消除牛肉中脂肪既油膩感, 食多兩件都唔怕!
由於之前睇戲食左D爆谷同熱狗, 所以晚飯時唔算嗌左好多野食~
埋單八百幾蚊, 食到咁出色既牛肉, 物超所值!
by 柑尾 @ CambOn
No comments:
Post a Comment