爸爸也愛美 - 祥興洋服

嘩哈哈，
一直也只顧著自己、媽咪s、姊妹s 的美麗，
忘記了自己的爸爸也要美，
有天他突然問我: 我係邊度做西裝呀?
我先醒起: 呀!!!係喎!!爸爸都要著衫架喎!!!
不過由於近兩星期太忙了，
我唯有叫爸爸自己去留意下造西裝的價錢，
再考慮在那裡訂造。

在未有結婚打算之前，
我很少瀏覽blog，
但現在就"唔睇唔舒服!!!"
因為結婚真的太多事情處理，
一生人得一次的經驗，
大家也是初哥，
若不是新人亙相介紹，
真的不知如何做資料搜集，
所以我開始打起blog 來，
一來可以記下prepare wedding 的點滴，
也可以給大家做個參考，
人幫我、我幫人。

哎吔....說得太遠了，
爸爸最後自己在屋企附近找到一間造西裝的，
價錢大約$2xxx一套，
爸爸打來問我造唔造，
我即時say no!!!
"大佬!!! 仲貴過我件婚紗!!"
媽媽也找到一間，
價錢也要$1699一套包恤衫、呔。
兩間來說，
我也覺得價錢太貴，
加上不知手工如何，
所以又要靠blog 友介紹了，
經過一番search，
找到了 - 中環祥興洋服。

在中環造老西，
會便宜嗎?
對!!!真的很值得!!
大家看看咭片先。

有晒地圖架!!!
地點都不算難找，
就在大約H and M 對面。

咭片寫著陳光，
但眼見得一個師傅度身，
應該是他吧。

一上到去，
很多人，
個個企定定等度身，
我問過價錢，
知道四季布料最平，
$1098 有交易，
所以選用四季料。

不要以為平野無得揀!!!
這裡真的可以揀到你嘔!!!
如山般高的布料書，
一本本的，
看到不想看，
直接叫師傅話事。

等了半小時，
度身了!!
師傅問過西裝幾時著之後，
就介紹布料，
OK!! 專家話OK 我地就OK!!
度身非常仔細。

我爸的大肚腩大得過份，
師傅話: 未著過佢地造ga 西裝係損失，包你著完肚腩都唔見埋!!!
如果其他sales講呢番說話，
我一定唔信!!
但係這個師傅說，
我信七成!! (肚腩唔見左就誇張左，好睇小小我都收貨架喇!!!)
一來老人家唔講大話，(我覺得)
二來人地做左四十幾年仲做得住，
客似雲來應該有他的功架，
所以爸爸和我也很期待!!!





by 波妮 @ CambOn