婚後評價: 28人座 Vans 仔 - 東哥

結婚前一個月，
精神簡直有點崩潰，
之前不論你prepare 得再多，
最後一個月都必定忙到甩look。

最後一個月先來找花車及28人座，
以為平日一定有車，
誰知原來平日找車比假日訂車更難，
因為28座車平日要去做校巴，
所以打算在平日結婚的姊妹們，
要快快book 車了。

車我要求不高，
開得動不太舊就可以了。
花車有朋友幫手，
所以我只需要找28座。
搵野指定動作一定要 - 上網search，
資料看過一片，
鎖定 - 東哥!!!

打去問價錢時，
態度一流，
聽得出他們是專業而且比到信心你。
由於時間關係，
我車也沒看就過數，
之後他們也主動send 番張receipt 比我，
同埋send 埋個車牌及車的相片給我看看。

老公說28人座最好找紅色的，
因為怕其他車會做過白事，
好似唔係幾好，
最後東哥也安排架紅色的28人座給我們，
放心晒!!

當日東哥很準時，
雖然我一直也沒有見過東哥 (因為新娘坐花車)，
但姊妹們對他讚口不絕，
上落車都會提一提姊妹帶齊野未?
茶具上左車去男家未?
很窩心。

經過本身的用家心得，
東哥的服務是信得過的。