[毛豆系列] 大眼妹Mandy

甩晒post....
呢幾日都不能夠準時11am前出blog~




今日又放下妝相先..................

今次model Mandy係個大眼妹, 雙眼皮本身已經好靚。
化妝時用雙眼皮膠紙再加強眼頭既雙眼皮位, 對眼更Sharp!





不過各位準新娘子留意, 黑色既頭髮既造型比淺色頭髮感覺會較為成熟, 而且線條並不突出。
所以我地成日好強調試妝及大日子都應該要染髮!
同一妝容同一髮型, 只要髮色不同, 分別可以好大。

明白到好多新娘子都好介意將頭髮染傷或者變金毛妹。
其實坊間既染髮產品已經提升不少, 只要不要"漂頭髮", 頭髮唔會太大傷害。
顏色方面可選曲奇色, 偏啡等, 過淺的髮色感覺亦會不夠莊重。







大家有興趣做我毛豆的話可以聯絡我。


Whats App: 6203-3100, Cammy Chan
Email: cammmmmy@gmail.com (註明: Be a Model)


最好附上一張正面相, 及方便的時間 (平日/Weekend; 上午/下午/晚上)



by 柑尾 @ CambOn

給生活添歡笑 -【歡樂Mask】Sexy Look面膜

自那天跟好友一起貼上這個面膜, 【歡樂Mask】之名它當之無愧..................

P.S. 以上相片, 忍笑忍得好辛苦先影到架!!!!












天氣好反常啊!
正值八月炎炎夏日, 但大家有留意到空氣濕度卻只有六十多度嘛?

乾燥既天氣, 面膜又怎能缺?


Sexylook Mask





好姊妹呢晚黎到留宿, 【歡樂Mask】大派用場!


打開包裝, 係一塊 浸左水既紫菜 滿滿精華既棉質面膜....................









面膜紙剪裁十分貼面, 不用左拉右拉它已經能跟我皮膚緊貼, 而且位置很對啊。
我就是很怕那些拉極都唔對位既面膜。

如鼻頭位及額頭位再長一點點就更Perfect了..........



極似兩個笠左黑色絲襪既人!!!




估唔到佢好玩之餘, 補濕度都好好!
第二朝喺無搽任何碎粉既情況下, 胭脂都keep到全日, 證明皮膚飲飽水。





呢個面膜最唔好既..................
要數佢令我地全程忍唔住爆笑, 不停走位啊...................





懷念以前中學年代跟好朋友每日總係歡笑不停既日子................







by 柑尾 @ CambOn

我的毛豆 - Gorgerous Wedding Look by G-makeup

很喜歡這輯相, 就先跟大家分享一張吧。



謝謝Cynthia給我她的第一次....
>> 第一次做Model
>> 第一次著上婚紗

大家有興趣做我毛豆的話可以聯絡我。


Whats App: 6203-3100, Cammy Chan
Email: cammmmmy@gmail.com (註明: Be a Model)


最好附上一張正面相, 及方便的時間 (平日/Weekend; 上午/下午/晚上)





by 柑尾 @ CambOn

新娘化妝: 新娘子注意事項

整左個Reminder比我既新娘子~

順便都Share比大家, 等大家都注意一下大日子前既護理。
皮膚狀態真係好影響當日上妝既情況, 就算化妝師手勢幾好, 面上太多既瑕疵都會令到妝底厚左。


想做個靚靚新娘, 大日子前記得要注意一下日常既護膚喇!

by 柑尾 @ CambOn

送給柑美的驚喜 - 姊妹們的御用化妝師

近日終於收到BIG DAY 的相，
感覺好似結左婚好耐咁!
在看相的時間，
我最感動的是各兄弟姊妹的全力協助，
最最最想多謝是我的BLOG-MATE - 柑美。
當日除左是我的好姊妹外，
還一口答應幫我的姊妹化妝SET 頭。
太好了!! 我可以不用再搵姊妹化妝!!
初時我怕柑美會後辛苦的，
但她說她handle 到，
我當然相信佢!!

柑美，
你當天的表現我給你滿分，
你的專業己經比攝映師攝入鏡頭，
Thank you babe!!!
點解題目叫"送給柑美的驚喜"呢，
因為佢唔知我會出呢個post!!哈哈!!
唔講咁多喇，
以免大家誤會我hard sell 佢，
大家睇相啦!~hahaha......

當日最早到的就是柑美，
早上六點半就ready 幫我D 姊妹化妝。

早到化好妝的姊妹，
就準備玩兄弟的道具!!

姊妹合照!!

唔知柑美睇到有無D 感動呢，
我為左佢出賣左自己個樣!!哈哈!!

G-makeup 送禮活動: Innisfree天然面膜

G-makeup送禮活動第一炮......... Innisfree天然面膜!

呢款面膜自己用過真係好鐘意, 於是決定送比大家!
(試用分享見咪偷懶! 勤力敷平靚正Innisfree天然面膜)



只要簡單Like & Share, 就有機會得到5片Innisfree天然面膜 (共5份)
詳情去>>>> www.facebook.com/GmakeupByCammy




柑尾既小小心意, 希望大家喜歡啦!

首次送禮活動只係舉行一星期咋,
唔好錯過, 快D參加啦 =)

連結: https://www.facebook.com/GMakeupByCammy?sk=app_582552635120322&app_data



by 柑尾 @ CambOn

望梅止渴: 一蘭拉麵湯包

日本拉麵風停留香港都好一段時間, 近月因為一蘭到港, 一班拉麵迷又瘋狂朝聖。




既然佢咁hot, 真係想試下。

好幾次打去問人龍情況....
半夜3點, 排一個鐘。
朝早7點, 排半個鐘。

可惜既係我唔會花一個半個鐘去排隊食碗拉麵啦。





上星期8號風球前夕喺銅鑼灣, 諗住正值3號風球應該會少人D喇卦,
於是同男友二人走去望一望...

條龍確實比平時短, 但店員話大概要排一個鐘。







好想食好想食, 越得唔到既野就越吸引 <<< 大部份人既心態吧!

唯有走入去買個拉麵湯包返去頂一頂我地條癮!!!!


一蘭拉麵湯包, $260



一盒有6個拉麵 + 3包湯料。
呢個價錢, 可以食即食麵食到死.....



湯係無味精的..... 店員話~

唔正宗既煮法.........
呢道只有半包湯包 + 一個拉面。


包裝上寫拉麵煮2分鐘, 我覺得有點硬, 煮多15秒至半分鐘可能會好D
(P.S. 平時我已經係喜歡食硬拉麵, 但呢個硬得黎似未熟透心)





湯係好飲既!
但屋企無配料, 成碗麵失色晒..........

還我豚肉&蔥花!!!!







不到黃河心不息!

既然佢滿足唔到我......
我終有日會喺唔洗點排隊既情況下食到你~





P.S. 店員話喺平日早上6-7.30am時段最少人, 你地咪同我爭!




by 柑尾 @ CambOn

柑尾up瘋文：反思！

話說G-makeup之前攪姊妹化妝優惠，有不少客人都以優惠價Join左package。
尋日不經意咁見到其中一位客人既blog post, 內容係有D擔心用我地既姊妹化妝。



開頭睇到佢個POST都有少少唔開心, 客人因為自己而咁擔心。

但始終我地喺網上未有用戶推介, 真係可以話係未必search到任何評語。
話晒一世人一次, 雖然姊妹化妝可能只係婚禮上一個小小既Item,
但當日有勞一班姊妹既鼎力協助, 當然都希望請個好既化妝師, 化得班姊妹靚, 佢地幫手都落力D。
所以我明白佢擔心係十分正常。



喺呢一刻, 我無乜其他野可以回應。
我知我唯一可以做既, 就係當日以表現去証明一切。




最近報Course進修, 不斷練習, 就係希望黎緊既Job可以更得心應手。
一個化妝進修Course真係唔平, 我諗我攪姊妹promotion接埋既job都cover唔返。

入好多名牌化妝品, 係希望客人用得安心。
朋友經常問我, 你野就用到咁貴, 收就收得人咁平, 邊有人做蝕本生意架?!

但真心希望, 每一個用過G-makeup化妝既客人都滿意。
而且你地係我出黎自己接生意既第一批客人。
老土D講句, 你地可以話係見証住我既成長, 所以我會對你地特別好。





老師Jenga講過, 就算化姊妹都要當化新娘一樣咁靚!!



九月就開始踏入結婚既旺季, 我會努力做好每一個job!!
給力~~~~~~~~~~~~~~






後記:

我真白痴, 原來寫blog果位只係同我客人同一日出嫁既新娘子咋!!
即係唔係講擔心我啦... wahahhahah....
鬆一口氣!!




by 柑尾 @ CambOn

〔試妝分享〕姊妹試妝

原來都比較少同大家分享我既試妝相。
希望日後可以keep住share下試妝相比大家睇啦。




呢個係較早前既試妝,
當日一對新人帶埋呢位姊妹上黎試妝, 好鬼熱鬧。


呢位姊妹平時唔化妝,
但佢本身有個好靚既雙眼皮,
只需要一個淡淡既眼妝雙睇已經好有神。

再襯埋一個適合自己既髮型, 望落成個唔同晒!
唔洗去韓國塊面都即時變尖變瘦。





如果大家想睇多d關於G-makeup既新娘化妝, 姊妹化妝, 親友化妝, 或一切有關我既化妝事,
歡迎LIKE我facebook:
www.facebook.com/GmakeupByCammy

另外, 如有任何查詢, 可以Whats App: 6203-3100, Cammy Chan








by 柑尾 @ CambOn

瘋狂買! Loreal Group SALE....

女人嘛.........總難敵一個"抵"字!!
是次戰利品.............
埋單5千.........

一連三日既Loreal Group Sale於9-11 Aug舉行。
比我上網買到一張飛 (the one & only)。

我張飛既時間係Sale既最後一日, 一心諗住應該無乜野買, 仲執好晒野換埋bikini諗住行完就殺入大浪灣晒下太陽hea一hea。
點知..... 我衰左!
買左兩大袋, 拎到手都軟要第一時間飛的返屋企。

一大堆Brand都係Under Loreal Group, 所以Sale D貨都十分吸引!


其實幾個月前KP開倉已經入左一大堆 (見敗！敗！敗！Kesalan Patharan開倉！)

但今次好多價錢都平Counter一半。
本來主攻化妝品, 最後買得最多係Skincare。







Lancome Foundation, $120@
其中一色仲有Pack裝, 價錢一樣, 多左Pack Skincare sample同埋一支唇膏。




Shu Uemura 泡泡 Base Set, $400
有兩支Base加Cream Blusher, 再加眼線筆 or 唇膏 (pack pack唔同)




Armani眼影膏加一堆Lancome Skincare, $200





Lancome Lip Gross加一堆Skincare, $120

3件裝Lancome Skincare $550, 有面霜, 精華, 眼霜各一, 大大樽有排用。

左: 都係大大盒既面霜, $200@
右: 精華, $280@

唔少得買D野比我男人!
左: Loreal Trinical防脫髮精華, $145@
中: Loreal Menexpert Icy Roll On Eye, $40@
右: Garnier Men Aqua Fuel, $30@

仲有其他Armani粉底呀, Loreal Hair Spary呀等等....
總之, 呢次入貨後, 我<<應該>>半年唔洗再買!! <<< 呢句野係提自己的! wahahhaha~




by 柑尾 @ CambOn

練習是要不間斷的....

於上一集 "進修時間 - 當個勤力好學生" 話說我上緊進修化妝班, 學左好多新既化妝技巧, 亦矯正左好多過去化妝既陋習。

多謝Joan今日黎當我既化妝Model....
又批准我放Before and After相出黎~
最開心係佢話我化既妝, 化得young過佢big day既化妝師!

六百幾度近視既佢, 雖然無帶到Con黎,
亦情願冒住唔帶返副眼鏡危險, 盲鐘鐘鐘住返屋企, 都要Keep住我個妝返屋企Show off一下啦。

好多人既雙眼都未必balance, 所以就要用化妝技巧去調整。
兩邊唔對稱既雙眼皮, 經過化妝後變得均稱。

除左眼, 眉型既修正都好重要!!

雖然佢好滿意, 但我覺得仲有好大既進步空間。
所以要繼續練練練....



Practice makes Perfect!

我需要練妝model。


有興趣又唔介意比2-3個鐘俾我幫你扮下靚既話,
隨時聯絡我 。
Whats App: 6203-3100, Cammy Chan
Email: cammmmmy@gmail.com (註明: Be a Model)


地點: 灣仔/銅鑼灣
時間: 星期一至五, 6.30pm後; 或星期六/日, 全日
- 會有1~2個Makeup /+ 2~3個Hairdo (或更多.... keke, 視乎時間啦)
- 如有需要, 拍照時可能會穿婚紗或晚裝





都需要你的支持, 比個Like撐一撐:
www.facebook.com/GmakeupByCammy






by 柑尾 @ CambOn

告別繃緊: 日本品牌Orbis潔面

洗面膏我會揀比較多泡, 感覺上乾淨D。
但同時好多產品越多泡越dry, 洗完塊面那住那住, 乾到裂開!

最近用緊呢款.................

Orbis Excellent Enrich Oil Cut Wash
$299 / 120ml


以價錢黎講, 一支洗面膏120ml要$299, 的確係唔平。



不過每次用既份量係極少, 經已可以起到好多泡。
所以一支120ml, 日日用, 我用左幾個月都未用晒。





最正係乾淨之餘, 用完完全無繃緊既感覺。

Orbis官方介紹:

油份是非常容易氧化的物質，當接觸到「紫外線」、「氧氣」及「體溫」，便會產生過氧化脂質，為細胞帶來傷害，導致老化及肌膚問題。因此，不使用含油份的護膚品就能避免氧化的風險。

一般認為護膚就是「以油份作為封蓋，保持潤澤」。然而，油份只能短暫防止水份蒸發，只有補充足夠的水份，肌膚才能持久潤澤，而100% OIL CUT的護膚品就能賦予肌膚最純淨的水份。

個人用後總結:

確係一支唔錯既洗面膏。
可惜價錢相對較貴, 如果你荷包鬆動, 我會推介比你。

但我呢D星斗市民, 相信用後不會再回購。

可以睇下我另一個洗面膏推介......
我的潔面孖寶 (Kose落妝油 & 洗面膏)
雖然無Orbis呢隻咁滋潤, 亦為不錯既選擇。
同樣為日本貨, 但價錢平一大折!




下次會同大家分享Orbis另一比較值既超好用產品!!



by 柑尾 @ CambOn

進修時間 - 當個勤力好學生

進修喇進修喇........
報左Anna Creation既化妝師精修班。

久不久真係應該進修一下, 學習多D唔同既技巧。
令每個job都能夠更得心應手。

諗返起細個既時候, 真係踢都唔願返學.......
而家反而每有學習既機會都會好珍惜啦。




第二堂上堂前, 先黎個Suprise Celebration。






做學生既感覺真好, 由其當搵到個會給你支持及鼓勵既老師。 
我好Lucky, 一次過搵到兩個!!

今堂主修改眼型。
左右唔對稱既泡泡內雙眼睛, 用左網狀雙眼皮貼+傳統雙眼皮膠紙打造Bling Bling眼。


特別嗚謝我既model坐定定2粒鐘任我玩。

 

學左好多新既化妝技巧,
需要大量練妝model。

有興趣又唔介意比2-3個鐘俾我幫你扮下靚既話,
隨時聯絡我 。
Whats App: 6203-3100, Cammy Chan
Email: cammmmmy@gmail.com (註明: Be a Model)

地點: 灣仔
時間: 星期一至五, 6.30pm後; 或星期六/日, 全日
- 會有1~2個Makeup + 2~3個Hairdo (或更多.... keke, 視乎時間啦)
- 拍照時穿婚紗或晚裝









知道自己天資唔係特別好, 唯有靠後天特別努力搭夠。
要Keep住團火繼續努力呀!!



需要你的支持, 比個Like撐一撐:
www.facebook.com/GmakeupByCammy







by 柑尾 @ CambOn

簡易午餐：黑椒煙火雞三文治

通漲勁，租金貴，人工又加得少。

公司附近食個頹飯起碼三十蚊仲要無野飲跟。

我位大老爺要求帶Lunch了。





其實帶lunch都好既, 食得健康D嘛。
但基於大老爺公司係無微波爐, 唯有整冷盤 / 便當。
好彩大老爺對"食", 都幾順得人意, 唔會過高要求.......




今次整三文治。
方便快捷之選!

通常我會喺前一晚切定D材料,
放入食物盒封好, 放喺雪櫃備用,
咁第二朝就可以訓多陣喇。

前一晚準備既材料分別係................


黑椒火雞卷, 凍肉鋪買。
$25 / 條
切片, 厚薄隨個人喜好。





蕃茄
$2 / 個
切片。





生菜
$12 / 一大個
用2-3塊, 清水浸15分鐘,
隔水備用。







第二朝訓到半夢半醒, 開壇.......


方包
健康D, 揀左用麥包。






一層一層砌上去............... 

蕃茄有汁, 唔好直接掂住麵包, 最好放喺中層。

加好配料鋪埋面層塊面包。

先包上保鮮紙,
再用麵包刀一開二。

然後切口位再補返張保鮮紙封口。







大功告成!

呢件三文治, 平時喺果汁鋪買起碼$15/件
而家唔洗$10就整到2件喇~






by 柑尾 @ CambOn

婚後分享: 回禮小禮物 (大大方方綿花糖)

想起結婚的大日子，
好似過了很久，
但其實只是兩個半月前罷了...哈哈!
一天的大Project，
但計劃和粗勞了一年，
若果你現在問我:值得嗎?
我會答:值得有餘!!
雖然很多東西也是過眼雲煙，
或許未必個個欣賞，
但做到自己想要的，
就是完滿，
所以值得!

婚禮前會準備很多，
想很多東西，
想.....未必做得也有很多，
曾經令我想到腦爆的，
其中一項是回禮小禮物。

由於一早打算join 婚禮攝映的即晚派相，
也打算用它來做回禮小禮物，
但到最後一星期，
發覺在七點半前來到的賓客數目不多，
換句話說即是"即晚派相"的小禮物未必個個得到，
所以臨時加插其他禮物作回禮，
希望做到人人有份、永不落空。

最後一星期，
時間不多，
又想DIY、又想慳錢、又想表達誠意的禮物真的不多，
之前也看過了淘寶和其他訂小禮物的Website，
但所有也不是我想要的，
買朱古力 - 妹仔大個主人婆，個盒貴個粒糖，唔係幾make sense，同埋唔係幾環保!
買刀叉 - 有幾多人真係會用
買筆 - 回禮的筆一定係美觀大過實用，拎住支毛毛筆，有幾多人真係會用得番?
諗到頭痛，
比我諗到了!!

送綿花糖，
sweet 得黎又得體，
同埋結婚本身就是甜絲絲的，
很貼體，
只要自己DIY 一個貼子貼在包裝上就完美了，
環保又美觀!

由於時間不足，
很多謝同事幫我Design 埋，
仲有兩個設計，
一中一西，
正!!
我就咁print 在label 上就可以即用。
其實我好多婚禮上的設計也是出自於我這位同事，
有興趣的可pm 我，
我send D 資料比大家。

中式貼子貼在綿花糖上的樣子。

西式貼子貼在綿花糖上的樣子。

結婚當日以烸花間竹的型式放在枱上送給每一個賓客，
放在枱上的效果，
也真的很不錯!!
很多賓客也讚好和紛紛向我的姊妹問係邊度訂造!
不過唯一留意的是，
這種綿花糖雖是獨立包裝，
但由於香港潮濕，
開了不足二十四小時就開始"縮水"，
所以我先訂了十多箱綿花糖送到club one，
print 好label 叫我的兄弟姊妹當日到場即開即貼，
那就確保品質完美。

放心，
當日我二十八圍，
我預了三十圍的份量，
十二位兄弟姊妹用了不足半小時就完成，
所以應該有足夠時間的。
在此再一次多謝兄弟姊妹們了!!






by 波妮 @ CambOn