Shopping 新態度@彩豐行 - Ki 白茶三重美白緊膚液 (White Tea Brightening Toner)

和柑美食飽飽後就急急腳去彩豐行買平野，
原來彩豐行收八點半，
所以真係要快眼睇、快手買。

這次是我第一次去彩豐行，
雖然之前己和柑美商討過買什麼，
但一上到去就己經不記得自己要買什麼，
整齊的貨架，
令我們試得更雀躍。

最後我們也拿了些戰利品回家試試，
試用過後當然要分享一下啦。

今日敗家所得是Ki 的白茶三重美白緊膚液 ( White Tea Brightening Toner )，
價值$36 但有200ml。
買這支不是用來塗臉，
我是想用來美白body 的。
要美白body 但又不想花大量金錢，
彩豐行旳確是好選擇。


看上去包裝也很得體，
三十多元抵晒!!

看看它的成份先:
透明質酸、甘草精華、白茶精華、靈芝精華、尿囊素


功效:
1. 添加金縷梅精華成份 有效收細毛孔
2. 舒緩日曬後的肌膚，減退紅印
3. 預防雀斑形成
4. 緊緻肌膚及平衡皮膚水份

質地是水狀，
其實它是一支爽膚水，

三千煩惱絲 (彩豐行髮尾油, Free&free Treatment Essence)

如果話人人有三千煩惱絲, 我應該有五千!
哈哈, 髮型師都話我既頭髮比人多。小時候特別討厭自己厚厚既頭髮, 經常同媽媽投訴 (因為多頭髮, 係得本人媽媽既真傳)
媽媽就會同我講 "第時老左你就知多頭髮係好架喇"。

唔知大家有冇吹頭既習慣?
以前我會由d頭髮自然乾, 但成日比媽媽鬧, 話會有頭風。
近幾年每次洗完頭第一時間吹乾個頭, 真係頭痛都少左喎。

但日日吹頭加電染, 久而久之, d頭髮就變成堆亂草咁喇。


所以開始試唔同既免沖洗護髮用品, 大大話話都試左十款八款, 而以下兩隻係我覺得比較有效果既產品。

 
Free & Free Damage Aid Treatment Essence 染色髮絲修復精華
$49.8 / 70ml


洗完頭, 喺吹頭前用, 水狀質地, 唔覺有油份, 所以一D都唔"立", 油性髮質都啱用。
無香/花香兩種, 為免出事, 我揀左"無香", 因為我好怕刺鼻既化學香味。
用左一星期已經覺得髮絲少左, 半爛既髮尾竟然有明顯改善, 讚!
試過拎個樽仔裝住, 游完水時搽, 果然順滑左無咁打結。再讚!

唯一唔好就係70ml真係好快就用晒, 我已經用緊第二支。
我頭髮多, 通常每次用會泵兩下, 用幾次就無左半支喇。

*************************************************************

仲有就係彩豐行既.......

 

JimmBENNY Shining Drops 水潤髮尾油
$48 / 200ml

又係洗頭後, 吹頭前用, 油質。
雖然屬於較清爽既油質, 但油性髮質我唔建議用。
適合中性,乾性髮質, 用完先吹頭, 覺得無咁傷頭髮, 光澤多左。
以前試過用髮尾油, 用完驚左, 因為用完硬係覺得自己好似幾日無洗頭咁。但呢支就唔會有咁既感覺。
大大支, 有排用。
以呢個價錢, 一個字, 抵!

by 柑尾 @ CambON

身體也要滑溜溜 (彩豐行牛奶Body Mask用後感)

較早前既悠長假期, 待在家中煲"姊妹淘"。其中一集講Body Care, 呢集嘉賓係伍詠薇, 43歲既佢依然省鏡, 原來省鏡既背後係要下不少功夫。除左塊面要見得人, 仲要花時間保養頭髮啦, 指甲啦, 仲有個Body。我"叮"一聲! 原來我一直都忽略身體既護理, 照一照鏡, 啊~ 手肘好粗糙啊! 膝頭又因為小時候經常跌損受傷而有疤痕, 好礙眼啦!

正因如此, 的起心肝幫個body扮靚靚, 務求由頭靚到落腳指尾。但老實講, 都唔係好捨得洗錢買搽身既野, 於是走上出名抵食夾大件既"彩豐行", 帶左佢返屋企.......
 
JimmBenny Milk Brightening Body Mask 牛奶嫩白柔滑體膜

$66 / 350ml

我通常沖涼前搽上身, 等10分鐘之後先就去沖涼。呢個Body Mask質地係杰杰地既Cream狀....

好易推開, 變薄薄一層。
我最鐘意佢個味道, 係甜甜既牛奶味, 嘻嘻嘻, 真係想放入口試下呀 。

沖完涼, 牛奶味無留低, 但皮膚變得滑滑又潤, 讚! 不過用左幾次, 都唔覺得有白到, 淨白效果不及柔膚效果出色。


最近仲試緊其他身體護膚產品, 等我用多一排先再分享。











by 柑尾 @ CambOn