G Makeup 新娘試妝分享 (免費優惠只限2013年3月前)

G Makeup推出免費化妝, 第一位試妝既Bride to be..............

今年九月既準新娘子Sandy急不及待約左上星期黎試妝，佢成為G Makeup免費化妝既第一位客人啊。


一個妝容之中，底妝係十分重要。
Sandy屬油性皮膚，毛孔較為粗大，但只要用上合適既遮毛孔Base作打底，毛孔即時byebye，滑溜肌膚重現。

今次用網紋雙眼皮貼，不反光之餘亦較傳統雙眼皮貼自然，解決Sandy內雙眼皮問題。
加上濃密但不浮誇既假睫毛，內雙眼睛即時變得精靈有神！








其實個人比較偏好自然既妝容，突出輪廓，雙眼要有神卻不要盲目的大眼妝！



早前翻閱友人7,8年前結婚之照片，腦中就只有浮出〔耐看〕二字。
哇哈哈，除了形容我與好友（笑～），還有就是當年化妝師給我們化的妝，那個妝容到今天再看竟然一點過時的感覺都沒有。


那些年我們愛以粗黑眼線示人（而且是沒有Blend開實一實的那種），眼線在人在！

但好記得當年化妝師幫新娘及作為伴娘的我化完妝後，我倆的反應不約而同.... "下? 就係咁喇? 化完架喇?"
化妝師給我們那柔柔的妝，弄得我全日渾身都不自在。


現在回想過來，真要感激當時那位化妝師的堅持，不盲目給我狠加眼線。（雖然我都不記得她是誰嚕）
事隔多年，我終於明白她的苦心！（雖然當年我心裡暗自咒罵她不下百遍）






淡淡優雅的妝容，始終最耐看。








免費化妝服務到2013年3月! 各位要把握機會啊!!
歡迎任何新娘化妝/姊妹化妝/媽咪化妝, 影畢業相留念, 公司Annual Dinner, 參加宴會, 或者係睇完波妮既[自拍Pre-Wedding]想自己影返輯都可以聯絡我。


比個like支技下啦...
Facebook: http://www.facebook.com/GMakeupByCammy
遲D會於Facebook放更多相片供參考~

Whats App查詢: 6203-3100, Cammy






幫客人化完妝，縱使再累都要幫佢地洗白白...................










by 柑尾 @ CambOn

始刣譽宴 U-Banquet 的評價

上星期日舊同學結婚，
所以就有機會到始刣譽宴參加飲宴，
順便學習下。

地點是很方便，
樓底也不算矮，
而酒樓來說，
舞台的佈置也很不錯，
新人如果沒有太多特別要求，
台上的東西也不失禮。

今次新人擺了廿八圍，
感覺是有點迫，
但也尚可接受，
我坐的位置接近牆身，
眼見那些牆身的布廉很Dirty!!
真的不太願意褂大褸在椅背。

新人進場時，
由於沒有秘道，
新娘要由場的前方走到後方，
為了保持新娘出場的神秘感，
所以在偷運新娘期間，
場地的燈全關，
好像停電那般，
這個也是一個問題。

還有，
這裡的Projector 播出來的片真的看不清，
又不夠大螢幕，
所以看得有點辛苦。(或者可以講係睇唔到)

最後是這裡的待應態度一般，
不知為何沒有為我們分菜，
但有些枱的待應是有分菜的，
這一點也是一個重點，
分了菜給你，
可能身為客人你不會覺得很欣賞，
但不分菜，
好像有點沒禮貌，
加上有分有不分菜的情況對比下，
感覺就差了。

最後是菜色，
整體不錯，
味道也可以，
但賣相一般。

不過今次飲宴由於同枱的人不太熟，
我也不好意思映相，
所以今次沒有相片提供了。

經過今次親身經驗，
希望幫到各位準新人啦!!





By 波妮 @ CambOn

澳門兩天豪住豪食團 - Part 4

真是想不到，
一個澳門兩天遊，
都分了4 Part 來寫，
怪就怪我為食，
所以怕一次過分享太多大家會睇到滯，
上回講到在四季酒店的紫逸軒吃過超好味的早餐後 (澳門兩天豪住豪食團 - Part 3)，
就出發周圍走走了，
當時都己經是下午十二時有多了。

澳門地方太少，
所以就算去過澳們數百次，
這些景點確實是必經的，
這裡便是去大三巴必經之路，
最記得上大三巴有一條手信街，
試食都試飽，
如果大家有興趣買手信，
除了帶多兩個人去拎手信外，
最好就是帶多個胃，
因為真的可以試到很飽。

走走食食，
己經三點多，
是時候又tea 一 tea!! (大佬..你唔係話你一邊走一邊食架咩?仲有胃口食tea!!) 
不過有時為食真是顧不到那麼多，
以下這間是媽媽誠意推介，
瑪加列葡撻。

其實本人覺得搵這間小店也有點難度，
幸好媽媽識路，
所以今次沒難度了。
地址 : 新馬路馬統領街金利來大廈17B地舖

味道是可以的，
但我本身不是愛葡撻之人，
所以我應該給不到評論。
我只可以說，
夠熱，
酥皮也鬆化。
但媽媽就一口氣吃了兩個。 (在香港她是很細食的!!)

不過這食店的環境一般，
又細又迫，
所以吃完要即閃!!!

好!!!
又再走走食食。
其實今次來澳門有個目標，
就是要吃翅!!!
聽聞是很出色的。

媽媽又帶路了，
因為她早一星期前和朋友來過，
所以今次她成為了為食導遊。食完葡撻不夠一小時，又到添發碗仔翅美食食翅。
地址: 新馬路福隆新街18號地下

我們一人一煲瓦煲花膠魚翅，價錢大約是 $85 -$ 90，
但真的很好味，
不是飽的話，
我可以食多煲!!!!
材料十足，
當然這個價錢不要期望吃到高級的貨色，
但這煲也不失禮，
味道超好味，
我覺得好味過平時飲宴吃的翅!!!
I will be back!!!!

好了，
真的吃不下了，
是時候回港!! (無錯，食飽就走..haha!~)

途經這間碧麗宮酒樓，
爸爸給我小時候有來過這裡飲茶的，
雖然不記得，
但也映張相留念吧。

途經葡京娛樂場，
有入去參與，
但沒有放低銀両。
因為我們的銀両己經在Day 1 給了威利斯人!!!!

再來永利，
但我們來這裡得一個目的，
就要搭酒店的巴士出"乙水"仔碼頭走人。

最後給大家一些見意，
如果大家想慳車錢，
其實澳門真的是可以"唔洗錢搭車"，
因為每間酒店都有循環巴士到各個地方，
不過真的要超有時間和耐性才行。





<澳門兩天豪住豪食團>全集:

澳門兩天豪住豪食團 - Part 1
澳門兩天豪住豪食團 - Part 2
澳門兩天豪住豪食團 - Part 3
澳門兩天豪住豪食團 - Part 4

By 波妮 @ CambOn

By 波妮 @ CambOn

澳門兩天豪住豪食團 - Part 3

嘩嘩嘩!!!!
不是柑美提我，
我真的忘記了未打澳門兩天豪住豪食團 - Part 3，
真是不好意思了........
十一月的事到現在還未打好，
好彩有相片可以回憶一下，
快快打先。

在酒店瞓到十點多，
落酒店樓下的中菜廳飲茶。
男朋友一早就要回港返工，
所以今日的環節只有我和老爸老媽。

這間中菜廳叫"紫逸軒"，
看門口就己經口水流...............

餐牌如下，
價錢一定比酒樓貴，
但六星酒店來說，
值得。

柑美，帶口水慳喇!!!
以下的全都是美食，
有機會再來一定會再食!!!

上圖: 好味到震叉燒酥
叉燒唔會乾，
仲有小小蜜汁，
加上鬆化酥皮面，
好味到震。

下圖: 特級美味鮮蝦餃
隻蝦爽口到不得了，
唔係飽我一定會再encore 呢籠蝦餃!!!

上圖: 鮮蝦腸粉
愛蝦的我除了蝦餃，
還有蝦腸，
同樣地，
爽口非常，
皮的厚度很好。

下圖: 叉燒包
這籠叉燒包是媽媽特別叫的，
本身我反對，
一來己吃了叉燒酥，
二來覺得叉燒包太普通，
不過見她流口水，
就點了一籠。
味道當然不錯，
欣賞的是叉燒的汁還鎖在包內。

上圖: 牛肉球味道也應該不錯，
但印象不太深，
因為吃了太耐...... (都叫你勤力D 打blog 架啦!!)

下圖: 懷舊糯米包
一見到這個就點了，
這個不是間間酒樓也有。
味道相當好，
糯米很香呀!!!

.

三個人吃過點心，
正想埋單之制，
服務員奉上甜點。

嘩!!
我們心想"唔係頭先個叉燒酥呀，雖然好食，但食唔落喇!!!"
誰知一咬開，
很驚喜，
酥皮紅豆溶!!!!!
不得了!!!
好味到呢.....................
飽都頂住都要食，
真是超級好味，
可能一來未見過，
二來味道很夾。
後面白色面紫色底一磚磚的是椰汁榚，
樣子普通，
但很看椰子味，
這個飽了吃也會吃得下，
淡淡甜味又帶香香的椰子味，
本人兩種甜品也愛。

好了，
打完這個早餐，
佷滿足，
要休息下，
一會再和大家分享Part 4 吧。


回顧澳門兩天豪住豪食團:

澳門兩天豪住豪食團 - Part 1
澳門兩天豪住豪食團 - Part 2
澳門兩天豪住豪食團 - Part 3
澳門兩天豪住豪食團 - Part 4

By 波妮 @ CambOn

婚宴之Photo Corner: 加工後的摩天輪相架

早前在團購買了摩天輪相架 (婚宴之Photo Corner (摩天輪相架))，
不便久開始加工工作，
因為"懶"的問題，
遲遲也未有Upload 給大家看看，
不過大家不要期望過高喔，
說到底也是手工嘛，
總有瑕疪的!! (自己整得唔靚就唔靚啦!!咁多籍口!!)

先給大家重溫一下相架本身的樣子。

加工後......

我將相架貼上閃石，
看上去好像沒有原先那般單調。
本人在未辦婚禮之前是不愛閃石的人，
覺得它誇張俗氣，
但現在愛上bling bling，
有適當的運用下，
也會它可愛之處!!!

其實貼閃石的另一個原因，
因為場地也會有很多spot night，
如有spot night射著，
效果應該不錯...... (自我陶醉中......)


越近大日子，
就越唔想動手做，
姐仔!!你時間無多喇!!!要加把勁!!!!







By 波妮 @ CambOn

執相簿ing + 剷牆紙ing

哎吔!!!
當日出去搵人映Pre-wedding，
仲鴻心壯志話自己執相整相簿，
宜家叫我做，
我真係有小小想縮沙!!!

成日覺得D 人係咁二放幾張相入相簿，
係咁二排下版就收我一千幾百，
真係搵笨!!
但經過自己連日來的排版工作，
深深明白到做呢行都唔會有得"呃飯食"!!

另一邊廂，
在工餘或者放假時間，
就會到新居自行裝修，
當然我呢D "二打六"邊有咁勁，
我爸爸都識D 油油野，
所以都有佢在場邊做邊教。
油油唔知難唔難，
但係最煩一定係剷番之前D牆紙!!!
剷足十幾個鐘頭，
沉日終於剷晒!!!
但仲要用沙紙"省"牆........................
"省"完又要補番D 位，
先油得油!!

經過呢幾日"泥水妹"ga 生活，
我向建築及裝修工人致敬!!!
你地ga 錢真係得黎不易!!!!!!!

不過諗諗下都幾好笑，
我諗唔剷牆紙未必會列入Wedding Preparing 度，
但呢個item 我真係列左入時間表!!!



by 波妮 @ CambOn

G makeup 免費化妝

公佈G Makeup提供免費化妝到而家只有十日, 已經收到幾個查詢, 成績都算唔錯唔錯!
今個星期就會有位準新娘子黎試妝~
所以呢幾日我都係不斷咁練習練習做足準備!

加油!





有查詢擔心所用既化妝品同護膚品牌子~
由於親身經歷過當年做姊妹被化妝師用大量不知名既化妝品搽上面, 感覺真係唔係咁良好! (特別係粉底!)
所以我唔會比我既客人重滔覆轍!

各位放心!! 今次雖然係免費服務, 但絕對不惜工本!!


以下係部份用既品牌~


Skin Care: Erno Laszlo / Nars etc.
粉底/碎粉/Base: YSL / RMK
彩妝品: Mac / Bobbi Brown / NYX / Nars / YSL / Lancome etc.

=================================

後記:

第一位Bride-to-be已經享用過G Makeup既FREE Service喇!
一齊去睇睇係點>>> http://blog.yahoo.com/_Z473J7PJKWMZPYXXQXEFD3LCVY/articles/966352/index

==================================

免費化妝服務會到2013年既3月, 把握機會喔!!



無論係任何新娘化妝/姊妹化妝/媽咪化妝~
影畢業相留念~
公司Annual Dinner~
參加宴會~
或者係睇完波妮既[自拍Pre-Wedding]想自己影返輯~
都歡迎聯絡我架!!


只要比個like, 你就可以有免費既化妝set頭!

Facebook: http://www.facebook.com/GMakeupByCammy

Whats App查詢: 6203-3100





by 柑尾 @ CambOn

擺酒必備簽名筆

嘩嘩嘩!!!
踏入2013年D 時間開得好快，
是時候租禮服、搵姊妹裙等等等等。

不過我有一個小毛病，
就是鐘意做些無聊事，
衫都未租就己經有簽名筆!!

時時見到人地O個D 簽名筆好似花球，
又閃石又毛毛，
看得悶悶地，
就用太陽花吧!!
一朵一支筆，
看上去也不錯吧!!! 

在筆干位有粒閃石和打了蝴蝶結作點綴。

我想六支該夠用吧!!!
現在就要想想為它們造一個合適的筆座!!!
哈哈!!
到時再比相大家看看吧!~


by 波妮 @ CambOn



呀!~
我老友柑美岩岩完成左新娘化妝及髮型課程，
雖然佢係新手，
但手勢都ok 架!~
可惜係佢未畢業之前我己經Book 左MUA，
所以無得搵佢出手!!!
不過我媽咪姊妹妝就全部由佢包辦。
各位準新娘，
如果未試妝或者未搵到合適的MUA，
可以搵柑美試下喎!~
反正宜家佢做緊免費試妝，
放心!!! 試妝岩唔岩都唔會sell!!
亦都唔會收你分毫架!!!
以下係佢的資料，
有興趣快D book 喇!~



====================================

經過既比個like支持下啦! 感激感激! http://www.facebook.com/GMakeupByCammy

Like左既朋友仔, 2013年由即日至3月, 我都可以免費幫你為各大小宴會/公司或朋友聚會/畢業禮等等化妝set頭架~

 

任何查詢, 可以Whats App: 6203 3100, Cammy
或到facebook留message~

======================================




by 波妮 @ CambOn

我的美麗日記 - 黃金膠原原拉提美型面膜

D天氣時冷時熱, 時乾時濕真係令人好難適應~

有一排無做paper mask, 呢個星期乾燥既天氣終於令我忍唔到喇~

 
我的美麗日記 - 黃金膠原原拉提美型面膜, 8塊 / 盒
Gold + Marine Collagen Lift Stretch Mask



產品資料及介紹可參考官網:
http://www.beautydiary.com.tw/mask4.htm




用家感受:

賣點1: 菱格壓紋布

 一拎塊mask出黎, 精華分佈又真係好似幾平均, 唔會一邊多, 一邊就少, 可能就係菱格壓紋布既功勞!
 要彈既係mask既紙質較厚較硬, 好多位置都未能輕易平伏於面上~
 剪裁方面較適合小面女生 (我呀我呀~~), 將mask掛耳後兩邊面頰位置只是剛剛好夠, 面闊一點既話相信會拉起不貼面~









賣點2: 雙掛耳加垂直拉提

即係先掛面頰兩邊到耳仔, 再拉上下巴那一塊~

 好處係適合我呢種喜歡邊做mask邊走黎走去既人!
 最愛下巴至頸部位置都能夠照顧

另外要讚既係兩邊鼻翼位置緊貼, 呢個位係其他面膜經常忽略的!






功效:

 亮膚效果一流!!
一揭開mask, 己清晰見到皮膚亮澤通透, 直到第2朝皮膚都仍然keep住光亮~

 補濕度一般, 用完要塗乳液作保濕先覺得滋潤~




總結:

光澤效果令人驚喜~

美中不足係mask既紙質太硬唔夠貼面, 但掛耳拉提既設計幫補少少呢個缺憾!

想補濕度好D既可以試同系另一款產品[白金珍珠拉提美型面膜]




by 柑尾 @ CambOn




====================================

經過既比個like支持下啦! 感激感激! http://www.facebook.com/GMakeupByCammy

歡迎查詢化妝工作, 包括宴會化妝/畢業禮化妝/謝師宴化妝/公司Annual Dinner化妝/姊妹化妝/新娘化妝等等。
亦歡迎化妝師/攝影師/婚紗店合作。
Whats App: 6203 3100, Cammy
或到facebook留message~

======================================

不吃也罷的拉面 - 廣島沾麵本舖爆彈屋 Bakudan-ya Hiroshima-men

放底國仇家恨來看，
日本的所有東西，
也一定是香港人的最愛，
買Made in Japan、
用Made in Japan、
食也要Japan!!!

食日本野，
從來很有信心，
難食極也有個譜，
最多是魚生不太新鮮、
拉面過淋之類，
但今次我要跌眼鏡了。

好!~
先介紹一下廣島沾麵本舖爆彈屋的特色。
這間店主要是吃沾面和挑戰吃辣的程度，
食到Level 30 或以上的顧客，
可以榮登店內的榜，
職員會給你一塊小木板，
可以在上面寫寫畫畫，
然後交給職員放上榜，
這個真的很有趣。

當然不吃辣也有選揀，
可以選最小辣的程度，
經過朋友証實，
最小辣的的確不辣，
重點是，
比辣還好吃!!!

店子雖小，
但日本的拉面店，
小小的反而更有味道。

每枱也會有一大碗芝麻，
當醬汁上枱後，
可以將芝麻直接放入醬汁內，
多少自由選揀。

一張枱最多座五人，
迫迫地。

Meun 一目了然。

Meun 後有"辛味目安表"
大家可以看著這個表作參考。
小提示: 這些辣不是非一般的，最好不要博命。

我們order 的level 如下，
我的是level 30 - 因為出過事，所以先叫大家唔好博命....
柑美的是level 20 - 她說可以的，我也覺得味道算合理。
level 10 是柑美的男朋友 - 他吃到沒胃口..因為他不愛辣。

以下的圖片是熱拉面，
名字不記得了。
這裡的拉面有size 選揀，
有小、中、大、特大，
我這個是大。
不過如不是大食，
中的就可以了，
這個"大"我吃了一半也沒有就飽，
加上這裡沒有外賣的東西，
所以食不下也不能"打包"。
很浪費!!!

這個是冷面，
面身比熱的拉面幼，
而我覺得冷面好味一點。

沾面食法，
先放芝麻入醬汁中，
之後就可以放一口面入醬汁碗裡面，
面條沾滿醬汁即可。

但味道我真的不敢恭維，
我的level 30 吃一口不想再吃，
這裡的辣汁油佔了七成以上，
即是你的面沾在辣油裡面，
再"shu"入口，
辣油己經不好吃，
還彈入喉嚨裡，
感覺很不受!!
所以share 了柑美的level 20，
總算吃得下，
但不好吃!!!

柑美的男朋友真的不嚐辣，
level10 也吃不了，
最後店員很好，
換了level 5，
這個level 好吃得多，
這裡吃辣反而辣的東西差，
真的.......有點那過!!!


同場加映:
拉面是多麼的難分開，
店員說拉面凍了會分不開一條條的，
但這碟我也是剛吃的!!!

老實說，
一定沒有下次了!!!
這頓拉面令我心靈受創，
評論便是: 唔知自己食緊乜野!!!

by 波妮 @ CambOn