簡易超鬆化牛油曲奇 - 做法簡單, 大師水準!

唔知點解, 喺我放工忙於練頭練妝既同時.....
最近返工都多左大量既Workload!
攪到我成日都無乜精神...............


襯住上一個weekend.... 我決定輕鬆一下....
好耐都無整野食喇....................



今次為大家呈上超鬆化牛油曲奇.........

材料:
金罐牛油 100克
糖霜 25克
低筋麫粉 75克

粟粉 25克

做法: 1.   牛油稍稍打鬆, 加入糖霜打至滑溜
2.   面粉與粟粉過篩, 分3次加入, 用膠括拌勻
3.   將混合材料放入唧袋, 於牛油紙上唧出喜歡既形狀後, 放入雪櫃雪20分鐘
4.   放入180度焗爐焗12-15分鐘至金黃色

小小tips:
1. 要用糖霜 (或者糖粉)!! 切忌用幼砂糖代替!!
因為糖霜/粉先夠幼滑, 容易溶入材料中~
糖霜/粉可以喺大型超市或烘培材料店買到~




2. 唧好既曲奇最少雪20分鐘!
否則曲奇一受到焗爐既熱力就會下榻變型咯~

另外, 個人喜好唧厚身一點 (如圖), 焗出黎口感較扁平既曲奇鬆化~

3. 金筒牛油係關鍵所在!
據聞有名既曲奇店Jenny Bakery都係用呢款牛油去做佢個招牌牛油曲奇架~
咁食落又真係一樣咁鬆咁香咁好味喎.......

金筒牛油都係可以喺烘焙材料店買到~
罐裝牛油比起平時買一磚磚要放雪櫃既牛油可以keep更長時間, 買定幾罐就隨時都可以開壇做曲奇啦!




4. 焗好後要先放上鋼架上放涼先入盒, 唔係就淋滋滋唔好食架喇~
原理就好似雞蛋仔出爐都要先吹吹風咁~





今次將材料份量加碼!
一次過用晒一罐金筒牛油, 做左大袋細袋曲奇派街坊...........

Yummy yummy~~

希望大家都成功啦!!
當人人讚好食既時候真係好有滿足感架~ hahaaa....

by 柑尾 @ CambOn




====================================

經過既比個like支持下啦! 感激感激! http://www.facebook.com/GMakeupByCammy

Like左既朋友仔, 2013年由即日至3月, 我都可以免費幫你為各大小宴會/公司或朋友聚會/畢業禮等等化妝set頭架~

任何查詢, 可以Whats App: 6203 3100, Cammy
或到facebook留message~

======================================