此抹茶非我杯茶也 - Patisserie Yamakawa

自從大型超市開到成行成市，Market Place / Jusco Supermarket / International Supermarket梗有一間喺左近，已經數唔到有幾耐無行過CitySuper。

早排同朋友喺附近慶祝生日，就到CitySuper走轉買生日蛋糕。
原來CitySuper已大裝修，好多Counter都變晒陣。



呢日既目標係Patisserie Yamakawa................

由於我地得四個人，揀左個細Size (1/2磅）朱古力蛋糕。

小小蛋糕索價$2xx


相貌平庸既蛋糕卻出奇的好味！
朱古力味十分豐富，加上濃濃既酒香，好啱我口味！！

蛋糕相對亦好"漏"，小小既一個，食1/10已經超滿足！
必定Encore之作！







經此一役，對Patisserie Yamakawa懷有十分高既期望。
相隔數星期再黎到朝聖.........

其實自上次見面，
我早已被你冷酷既外表吸引。

雖然當時我唔知你咩來頭，
但果一刻我同自己講，
我一定會返黎搵你...........................

Keke.....
心多既我，
索性將你個朋友一齊帶走。

焦糖抹茶雞蛋布甸, $38@

第一啖，漏到痴左線！
好似食抹茶Cream咁。
原來要食到底，加埋焦糖味先啱啱好架！

因為佢個焦糖偏苦澀，
同甜度高既抹茶布甸又夾得幾好喎～

抹茶粟子蛋糕, $4X @

面頭一層抹茶不錯，
但我嫌佢略為乾。

中規中矩啦～
又唔可以話唔好食，
但唔會有心動想翻撻既感覺囉～











好啦，大家應該明白，
期望過高，最後通常都係落得失望既收場！


總結係，２款抹茶No Next Time!
朱古力蛋糕我地下次再見喇！！ =)

btw, 而家Ｄ蛋糕越賣越貴呀喂！




by 柑尾 @ CambOn

Market O Real Brownie

自從吃過同事在韓國帶回來的Market O Real Brownie後，
一試傾心，
找了很久，
給我在某小型零食店找到它。

我想信佷多人也被它迷倒，
所以不用介紹了，
去片.......

今次主要分享的，
是我在香港那裡找到它。
為了它，
我曾經在yahoo search 過它的足跡，
聽聞在city super 有售，
今次我找到它，
是在太古康怡一間小食店，
一盒五塊，
售價$20.8。
而在吉之島，
我也見過多次，
有時做韓國節就有售，
價錢好像貴點，
大約$26，
單售好像是$8一塊。




By 波妮 @ CambOn

朱古力火山 (附心太軟食譜)

襯住上個Weekend有空閒, 入定貨開壇作法做甜品!

先黎朱古力火山!
與其話係心太軟, 我更加覺得佢似一座火山, 朱古力漿流出黎一下, 就好似火山爆發一樣..

 

首先將朱古力放入碗, 下面隔住兜熱水座溶朱古力。用黑朱古力既成品比起用牛奶朱古力更香濃。今次我用70%既黑朱古力。


加入牛油一齊座溶, 攪勻, 備用。


蛋稍稍打勻後, 加入糖霜。


不停打呀打呀打, 打到杰身

跟住就可以加入預備好既朱古力牛油溶液, 順時針輕手撈勻佢。

篩埋D低筋麵粉, 繼續快手順時針撈勻佢。

入杯前, 將牛油溶液搽滿個杯邊同杯底, 再痴一層簿簿既糖霜上去, 方便焗完甩模。
跟手就可以入杯架喇。

放入雪櫃雪最少三個鐘。
呢個甜品可以預做多幾杯放入雪櫃, 隨時拎出黎焗, 好方便。

預熱焗爐15分鐘, 將焗杯直接由雪櫃拎出, 放入焗爐。
由於每個焗爐既溫度都會有少少唔同, 開頭做最好逐杯試, 用不同爐溫同時間。
但大概都係180度至200度, 7-12分鐘咁上下。


由於我都係第一次整, 我用左三個不同既時間/溫度。



第一杯: 200度 / 9分鐘
作品: 心腸太硬! 


第二杯: 190度 / 8分鐘
作品: 心軟了

 


第三杯: 180度 / 7.5分鐘
作品: 朱古力火山!! 爆發喇~~~~~ yeah!
  

 

 

 

 

 

心太軟（份量：3小杯）

朱古力 45g
牛油 50g
全蛋 1隻
蛋黃 1個
糖霜 30g
低筋麵粉 25g

1.  朱古力、牛油隔熱水座溶； 

2.  焗杯掃上一層薄牛油，並沾上糖霜，以便甩模； 

3.  全蛋、蛋黃、糖霜用打蛋器打至杰身 (可以寫到８字)；

4.  加入朱古力牛油溶液拌勻；
5.  麵粉篩入，輕輕拌勻；
6.  麵糊倒入焗杯內， 放入雪櫃冷藏3-4小時或
7.  焗爐用200度預熱15分鐘，將焗杯由雪櫃取出直接放入焗爐焗9分鐘； 

8.  出爐後，以小刀在焗杯邊位輕輕界，倒出蛋糕，完成啦。 







久久無落手做甜品, 重出江湖, 因為新玩具入手。

Bosch 手提式電動打蛋器 $498




Bosch呢個牌子出名做工具, 例如電鑽, 磨機等等。
相比百幾二百蚊一個既電動打蛋器 (通常只有200W), Bosch呢個就有450W, 速度快D。最緊要係靜D!!









by 柑尾 @ CambOn