給男友的生日蛋糕 (附芒果芝士脆脆蛋糕食譜)

男友生日, 總得花點心思。


我既手作仔向來無質素保證, 還記得有次情人節做了張咭, 嘿嘿, 手工差到呢! 簡直不堪入目....  
到今時今日提起, 還是個不滅的笑柄, 我人生的污點啊


還有手作小熊, 其實真的做得不錯, 唯獨一邊眼睛縫得不穩固, 小熊的眼睛久不久就會掉下來, 我說那是缺憾美, 哈哈! 

(下次Share比大家睇睇, 評個分吧)



有過最差的, 今次既手作禮物, 可說是超額完成啊!!!





先將朱古力座溶, 加入菜油拌勻。
放涼一點才加入脆片, 然後就可倒入模做餅底, 脆脆底厚薄可依個人喜好, 然後放雪櫃備用。

然後可以開始打忌廉......

(keke... 新玩具Bosch打蛋器又出場嚕!)

可惜, 第一次打忌廉失敗!!
起粒粒, 水油分離....
上網一查, 原因可為以下幾點:
1) 有水份
所有用具必須要乾, 有水份便會打唔起
2) 忌廉唔夠凍

唔夠凍都會導致打唔起
3) 發打過度
過度發打, 會由杰身, 變回水狀 (我想我是這個情況)
這忌廉宣告報廢。

給大家看看失敗作~
起粒粒, 水狀......

於是立即再買一盒忌廉。
把所有器皿, 打蛋器抹得乾一乾。
盛載忌廉的容器先放雪櫃雪一雪, 以確保忌廉在發打時都能保持冰凍。
為防止再發打過度, 用電動打蛋器打至開始變杰身, 便轉用原始的手打器, 比較易掌握, 終於成功啊~

成功的忌廉應是有光澤, 反轉也不易倒下來
打好後同樣先放雪櫃備用。
忌廉芝士先打鬆, 再分3次將糖加入, 打至幼滑。
再依食譜上的次序分別加入其他材料就完成啊！




入模雪一晚, 戲肉來了.......是裝飾的部份！

先甩模, 可用熱毛巾圍蛋糕模半分鐘, 蛋糕便能輕易又漂亮地甩出來。

我將芒果切成小粒, 鋪在蛋糕面。
圍邊是一開二的Lady Finger, 加條絲帶綁得靚靚。


Lady Fingers, 烘焙材料鋪有售



還要一提, 字是用朱古力筆寫的。
將朱古力筆放熱水中5分鐘, 剪開筆頭就可以, 很方便！
除啡色, 還有很多款不同顏色。

朱古力筆, $15 / 支


還多做了6小杯, 帶回公司跟同事們分享一下。

材料不太複雜, 一般超市有售。
唯獨脆脆底既簿脆片可能要到售賣烘焙材料的地方買, $22蚊一包, 今次我就用上五份四包了, 只餘下少許。
如不喜歡脆脆底, 亦可改用壓碎的消化餅 + 溶牛油, 相信味道都會很夾。

脆脆芒果芝士蛋糕食譜: (8吋圓形模)
<<脆脆餅底>>脆脆 120g
菜油 90g 朱古力 100g 

<<芒果芝士>> 忌廉芝士　　  300克   
砂糖　　　　　 60克 淡忌廉　　　  230克    
魚膠片　　　　 12克 芒果茸　　  270克   
芒果　　　　　 1.5個(切粒) 牛奶　　　　　 70克

<<做法>>1) 先將朱古力座溶加入菜油拌勻放涼加入脆脆倒入餅模放入雪櫃備用

2) 將淡忌廉打至7成企身，放入雪櫃，備用。3) 將砂糖分3次加入忌廉芝士打成軟滑狀。4) 加入牛奶，然後用慢速打勻, 其後將果茸加入芝士混合物，用膠刮拌勻5) 拌入己打起的淡忌廉及魚膠溶液，加入混合物拌勻。6) 從雪櫃取出蛋糕模底, 先將半份混合物倒入餅模，然後平均加上芒果粒。7) 將餘下的混合物倒入餅模，放入雪櫃雪涷。


以上食譜由blog友Connie提供




份量可給大家作個參考
我買的Cream Cheese容量是230g, 就將食譜按比例改一改
剛足夠一個6吋圓模, 及6小杯!





by 柑尾 ＠ CambOn




====================================

經過既比個like支持下啦! 感激感激! http://www.facebook.com/GMakeupByCammy

歡迎查詢為各大小宴會/公司或朋友聚會/畢業禮等等化妝set頭!

任何查詢, 可以Whats App: 6203 3100, Cammy
或到facebook留message~

======================================